ಯಾಕೆ ಕೆಲ್ಸ ಬೇಗ ಆಗೋಲ್ಲ... (ಒಂದು ಅನುಭವ) - 2 (complete conversation ;) ;))

ಸಾರ್, ಬಿಲ್ ಕರ್ರೆಕ್ಶನ್ ಇದೆ, ಹನುಮಂತನಗರ ಏರಿಯಾ, ಯಾರ್ಹತ್ರ ಹೋಗ್ಬೇಕು??

ಅಲ್ಲಿ ರೈಟ್ ಸೈಡ್ ಆಫೀಸ್ ಒಳಗೆ ಹೋಗಿ ಕೇಳಿ ಸರ್...
ಬಲಗಡೆ ಇದ್ದ ಆಫೀಸ್ ಒಳಗೆ ಹೋದೆ,

ಮೇಡಂ, ಬಿಲ್ ಕರ್ರೆಕ್ಶನ್ ಇದೆ, ಹನುಮಂತನಗರ ಏರಿಯಾ, ಯಾರು ಇನ್ಚಾರ್ಜು???
ರೀ, ಕಮಲ ಏನ್ರೀ ನಿಮ್ ಮಗನ್ಗೆ ಹುಡುಗಿ ಸೆಟ್ ಆಯ್ತು ಅಂದ್ರಿ, ಯಾವ ಊರು ಕಡೆದು, ನಿಮ್ ಕ್ಯಾಸ್ಟ್ಆ???

ಹು ಕಣ್ರೀ ರಮಾ, ಸೆಟ್ ಆಯ್ತು, ಹುಡುಗಿ ಇಲ್ಲೇ JP Nagar, ನಮ್ ಕ್ಯಾಸ್ಟ್ ಅಲ್ಲ ಕಣ್ರೀ, ನಮ್ ಮಗ ಕೆಲ್ಸ ಮಾಡೋ ಆಫೀಸ್ ಅಲ್ಲೇ ಅವ್ಳು ಕೂಡ ಮಾಡ್ತಾಳೆ, ಇಬ್ರು ಇಷ್ಟ ಪಟ್ಟಿದ್ರು, ವಯಸ್ಸಿಗೆ ಬಂದ ಮಗ, ಏನು ಹೇಳೋದು ಹೇಳಿ. ಸುಮ್ನೆ ಯಾಕೆ ಮನಸ್ಸು ಹಾಳು ಮಾಡ್ಕೊಳೋದು, ಅದಕ್ಕೆ ನಾವೆಲ್ಲ ಒಪ್ಕೊಂಡು ಮಾತು-ಕತೆ ಮುಗ್ಸಿದ್ವಿ ಕಣ್ರೀ.

ಅಲ್ರೀ ಕಮಲ, ಇಷ್ಟ ಪಟ್ರು ಅಂತ ಒಕ್ಪೊಂಡು ಮಾತು-ಕತೆ ಮುಗ್ಸಿದ್ರ? ಅದು ಇಂಟರ್ ಕ್ಯಾಸ್ಟ್?? ಏನೋ ಬಿಡಿ, ಕಾಲ ಚೇಂಜ್ ಆಗಿದೆ. ಅದಿರ್ಲಿ, ವರದಕ್ಷಿಣಿ, ವರೋಪಚಾರ ಏನು ಮಾಡ್ತಾರೆ, ಮದ್ವೆ ಎಲ್ಲಿ ಮಾಡ್ಕೊಡ್ತಾರಂತೆ, ಹುಡುಗಿ ಹೆಂಗಿದಾಳೆ ನೋಡೋಕೆ?

ಹುಡುಗಿ ಚೆನ್ನಾಗಿದಾಳೆ ರೀ ರಮಾ, ಲಕ್ಷಣವಾಗಿ ಇದ್ದಾಳೆ, ಅದ್ಕೆ ನನ್ ಮಗನು ಒಪ್ಪಿರೋದು. ಲವ್ ಮ್ಯಾರೇಜ್ ಅಲ್ವೇನ್ರಿ, ವರದಕ್ಷಿಣೆ ವರೋಪಚಾರ ಏನು ಇಲ್ಲ, ಮದ್ವೆ ಇಲ್ಲೇ ಗ್ರ್ಯಾಂಡ್ ಆಗಿ ಮಾಡ್ಕೊಡ್ತಾರಂತೆ...

....
....
....

ಅಲ್ಲಿ ರಾಧ ಅಂತ ಕೂತಿದಾರೆ ನೋಡಪ್ಪ, ಅಲ್ಲಿ ಹೋಗಿ ಮಾತಾಡು.

ಥ್ಯಾಂಕ್ಸ್ ಮೇಡಂ. :)

ನಮಸ್ಕಾರ ಮೇಡಂ, ಕಳೆದ ತಿಂಗ್ಳು ಫುಲ್ ಇಂಟರ್ನೆಟ್ ಇರ್ಲಿಲ್ಲ, ಅದಕ್ಕೆ ಬಿಲ್ ಅಲ್ಲಿ ಚೇಂಜ್ ಮಾಡಿಸ್ಬೇಕು ಅಮೌಂಟ್ ನ... 

AE ಬರ್ಕೋಟ್ಟಿದಾರ, ನಮ್ದೆ ಪ್ರಾಬ್ಲಮ್ ಅಂತ?

ಹೌದು ಮೇಡಂ, ಇಲ್ಲಿದೆ ನೋಡಿ ಅವ್ರು ಕೊಟ್ಟಿರೋ ಲೆಟರ್. 

ರೀ ವಿಶಾಲಾಕ್ಷಿ, ನೋಡ್ರೀ ಈ AE ಇದರಲ್ಲ ಹೋದ ತಿಂಗ್ಳು ಪ್ರಾಬ್ಲಮ್ ಆಗಿದ್ರಿ, ಏಪ್ರಿಲ್-ಮೇ ಅಲ್ಲಿ ವರ್ಕ್ ಆಗ್ತಿರ್ಲಿಲ್ಲ ಅಂತ ಬರೆದು ಕೊಟ್ಟಿದ್ದಾರೆ.

ಅಯ್ಯೋ, ಹಂಗೆ ಬಿಡಿ ರಾಧ, ಮೊನ್ನೆ ಏನಾಯ್ತು ಗೊತ್ತ? ಡಿಸೆಂಬರ್ ೨೦೧೨ ವರ್ಕ್ ಆಗ್ತಿರ್ಲಿಲ್ಲ ಅಂತ ಕೊಟ್ಟಿದ್ರು ರೀ. ಇನ್ನು ಜುಲೈ ತಿಂಗಳೇ ಮುಗ್ದಿಲ್ಲ ಡಿಸೆಂಬರ್ ಗೆ ಹೆಂಗೆ ಬಿಲ್ ಹಾಕಲಿ ಹೇಳಿ ರಾಧ... ಹ್ಹ ಹ ಹ ಹಾ.... ಅದಿರ್ಲಿ ಇವತ್ತು ಏನ್ ತಿಂಡಿ ಮಾಡಿದ್ರಿ ರಾಧ, ನಮ್ ಮನೇಲಿ ಚಿತ್ರಾನ್ನ ಮಾಡಿದ್ದೆ, ಚೆನ್ನಾಗಿದೆ ಅಂತ.. ಎಲ್ಲ ಖಾಲಿ ಮಾಡ್ಬಿಟ್ರು ಕಣ್ರೀ, ಕೊನೆಗೆ ನಂಗೆ ಇರ್ಲಿಲ್ಲ.

ನಮ್ ಮನೇಲಿ ಪಲಾವ್ ಮಾಡಿದ್ದೆ ಕಣ್ರೀ, ಹೆಸರಿಗೆ ತರಕಾರಿ ಪಲಾವು, ಆದ್ರೆ ತರಕಾರೀ ಅಲ್ಲೊಂದು ಇಲ್ಲೊಂದು... :) :)
ಎಷ್ಟು ರೇಟ್ ಆಗ್ಬಿಟ್ಟಿದೆ ಕಣ್ರೀ ವಿಶಾಲಾಕ್ಷಿ..!!!!

...........

...........

...........

ಸರಿ, ನಿಮಗೆ ಇಂಟರ್ನೆಟ್ ಪ್ರಾಬ್ಲಮ್ ಆಗಿತ್ತು, ನೀವು ಯುಸ್ ಮಾಡಿಲ್ಲ ಅಂತ ವೆರಿಫೈ ಆಗಬೇಕು, ಅಲ್ಲಿ ಹಿಂದೆ ವೆರಿಫಿಕೇಶನ್ ಮಾಡ್ತಾರೆ ಹೋಗಿ ಮಾಡಿಸ್ಕೊಂಡು ಬನ್ನಿ, ಆಮೇಲೆ ಬಿಲ್ ಕರೆಕ್ಟ್ ಮಾಡಿ ಕೊಡ್ತೀನಿ.

ಥ್ಯಾಂಕ್ಸ್ ಮೇಡಂ,
ಹಿಂದೆ ಇದ್ದ ಆಫೀಸ್ ಕಡೆ ಹೊರಟೆ....

ಮೇಡಂ, ಹೋದ ತಿಂಗ್ಳು ಇಂಟರ್ನೆಟ್ ಬರ್ತಾ ಇರ್ಲಿಲ್ಲ, ಅದಕ್ಕೆ ಬ್ರಾಡ್ಬ್ಯಾಂಡ್ ಯೂಸೇಜ್ ಆಗಿಲ್ಲ ಅಂತ ವೆರಿಫೈ ಮಾಡಿ ಕೊಡ್ಬೇಕು. ರಾಧ ಮೇಡಂ ವೆರಿಫೈ ಮಾಡಿಸ್ಕೊಂಡು ಬಾ ಅಂತ ಹೇಳಿದ್ರು, ಆಮೇಲೆ ಅವ್ರು ಬಿಲ್ ಚೇಂಜ್ ಮಾಡ್ತಾರಂತೆ.

ಹೌದಾ, ಕೊಡಪ್ಪ ಇಲ್ಲಿ, 
loggin into their server for usage verification.

ಉಮಾವ್ರೆ ನಮ್ಮನೇಲಿ ಇವತ್ತು ಉಪ್ಪಿಟ್ಟು ಮಾಡಿದ್ದೆ ರೀ, ಯಾವತ್ತು ಇಲ್ಲ, ಅಂತದ್ದು ಇವತ್ತು ನಮ್ ಮನೆವ್ರು ತುಪ್ಪ ಹಾಕ್ಕೊಂಡು ಹಾಕ್ಕೊಂಡು ತಿಂತಿದ್ರು ರೀ... ಇವತ್ತು ತುಂಬಾ ಚೆನ್ನಾಗಿ ಕೂಡಿ ಬಂದಿತ್ತು ರೀ, ಉಪ್ಪು ಖಾರ ಎಲ್ಲ.. ಮಕ್ಳು ಅಷ್ಟೇ ಏನು ಮಾತಾಡಲೇ ಇಲ್ಲ.. ಯಾವಾಗ್ಲೂ ಒಂದಲ್ಲ ಒಂದು ಕೊಂಕು ತೆಗಿತಿದ್ರು ರೀ, ಇವತ್ತು ಒಂದು ಪದ ಆಡೋದು ಬೇಡ್ವೆ? :) :)

ಹೌದೇನ್ರಿ ಸುಮಾ, ಹಂಗಿದ್ರೆ ತುಪ್ಪ ಹಾಕ್ಕೊಂಡು ನಮಗೂ ಸ್ವಲ್ಪ ತರೋದಲ್ವೇನ್ರಿ. ನೀವು ಬಿಡಿಪಾ ಯಾವಾಗ್ಲು, family, ಗಂಡ, ಮಕ್ಳು ಇಷ್ಟೇ ಹೇಳ್ತಾ  ಇರ್ತೀರ....

ಅಲ್ಲ ರೀ ಉಮಾ, ಹೇಳ್ದೆ ಅಲ್ವ.. ಚೆನ್ನಾಗಿದೆ ಅಂತ ಎಲ್ಲ ತಿನ್ದ್ಬಿಟ್ರು ರೀ, ನಂಗೆ ಸ್ವಲ್ಪ ಇತ್ತು.. ಇನ್ನು ಆಫೀಸ್ ಗೆ ಹೇಗೆ ತರ್ಲಿ ಹೇಳಿ...???

ನೋಡಿ ಮಂಗಳ, ಈ ಸುಮ ಮಾಡಿದ ಉಪ್ಪಿಟ್ಟು ಮನೇಲಿ ಎಲ್ಲ ಖಾಲಿ ಮಾಡ್ಬಿಟ್ರಂತೆ ...

ಏನೋ ಬಿಡ್ರಿ ಉಮಾ, ಅವ್ರು ನಮಗೆಲ್ಲಾ ಯಾಕೆ ತರ್ತಾರೆ ಹೇಳಿ....

...........

...........

...........

logged into their server, verified whether any broadband usage was there or not. 
ನೋಡಪ್ಪ, ಇಲ್ಲಿ ಜೂನ್ ೧೨ ರಿಂದ ಜೂನ್ ೩೦ ವರ್ಗು ಯುಸ್ ಮಾಡಿಲ್ಲ.. ಅದನ್ನು ಮಾತ್ರ  ಬರೆದು ಕೊಡ್ತೀನಿ, ಈ ತಿಂಗಳದ್ದು ಆಗೋಲ್ಲ, ಇನ್ನು ಬಿಲ್ ಜೆನೆರೆಟ್ ಆಗಿಲ್ಲ.

ಸರಿ ಮೇಡಂ, ಅಷ್ಟೇ ಕೊಡಿ.

ರೀ ಸುಮಾ, ಇದು ಯಾವ್ದೋ ರಿಪೋರ್ಟ್ ಅಂತ ಹೇಳಿದ್ದಾರೆ ಹೆಂಗೆ ತೆಗ್ಯೋದ್ರಿ?

ಏನ್ರೀ ಮಂಗಳ ನೆನ್ನೆ ಎಲ್ಲ ಹೇಳಿದ್ದೆ ಅಲ್ವೇನ್ರಿ, ಅಲ್ಲೇ Export ಅಂತ ಬಟನ್ ಇರುತ್ತೆ ನೋಡಿ, ಅದನ್ನ ಒತ್ತಿ,
ಆಮೇಲೆ ಡೆಸ್ಕ್ಟಾಪ್ ಅಲ್ಲಿ ಸೇವ್ ಮಾಡಿ.

ರೀ, ಇದನ್ನ ಕಳ್ಸೋದು ಹೆಂಗೆ ಹೇಳ್ರಿ?

ಜಿಮೇಲ್- ಗೆ ಲಾಗಿನ್ ಆಗಿ, ಅಲ್ಲಿದೆ ನೋಡಿ.. ಅದನ್ನ ಒತ್ತಿ, ಆಮೇಲೆ attachments  ಅಂತ ಇರುತ್ತೆ ಅದು ಕ್ಲಿಕ್ ಮಾಡಿ, ಈ ಡೆಸ್ಕ್ಟಾಪ್ ಅಲ್ಲಿ fileನ ಸೆಲೆಕ್ಟ್ ಮಾಡ್ಕೊಳ್ಳಿ.. ಆಮೇಲೆ "ಓಕೆ" ಒತ್ರಿ....

...........

...........

...........

ರೀ ಉಮಾ, ಇದು ಒಂದು ಎಂಟ್ರಿ ಮಾಡ್ಕೊಳ್ಳಿ, ಅಲ್ಲಿ ಒಂದು ಎಂಟ್ರಿ ಮಾಡ್ಸಿ ಹೋಗಪ್ಪ.

ಥ್ಯಾಂಕ್ಸ್ ಮೇಡಂ,

...........
...........
...........

ಉಮಾ ಮೇಡಂ ಎಂಟ್ರಿ ಮಾಡಿದ್ರು ಮತ್ತೆ ರಾಧ ಮೇಡಂ ಕಡೆಗೆ.

ಬಿಲ್ ಚೇಂಜ್ ಮಾಡ್ಸೋಕೆ ಬಂದಾಗ ರಾಧ ಮೇಡಂ ಸೀಟ್ ಅಲ್ಲಿ ಇರ್ಲಿಲ್ಲ, ಸುಮಾರು ಒಂದು ಘಂಟೆಯ ಕಾಲ ಅಲ್ಲೇ ವೈಟಿಂಗ್.... :) 

ಮಹಾಲಕ್ಷ್ಮಿ, ಏನ್ರೀ ನೀವು ಇವತ್ತು ಲೇಟ್ ಆಗಿ ಬಂದ್ರಿ, ಯಾಕೆ ಏನಾಯ್ತು?

ಏನಿಲ್ಲ ವೀಣಾ, ಮನೆ ಕೆಲ್ಸ ಇರುತ್ತೆ ಅಲ್ವ.. ಒಂದ್ಚೂರು ಲೇಟ್ ಆಯ್ತು. ಮಕ್ಳು ಆಫೀಸ್ ಗೆ ಹೋಗ್ಬೇಕು, ನಮ್ ಮನೆವ್ರು ಆಫೀಸ್ ಗೆ ಹೋಗ್ಬೇಕು, ಎಲ್ಲರ್ಗೂ ತಿಂಡಿ, ಊಟ ರೆಡಿ ಮಾಡಿ ಬರಬೇಕು ಅಲ್ವ..

ಅಲ್ಲ ರೀ, ನಿಮ್ ಮನೇಲಿ ಕೆಲಸದವಳು ಇಲ್ವಾ???

ಇಲ್ಲ ವೀಣಾ, ನಮ್ ಮನೇಲಿ ಎಲ್ಲ ಕೆಲ್ಸ ಹಂಚ್ಕೊಂಡು ಮಾಡ್ತೀವಿ, ಅದಕ್ಕೆ ಏನು ಅಷ್ಟು ಗೊತ್ತಾಗೋದಿಲ್ಲ.
ಒಂದು ಕರೆ ಬರುತ್ತೆ..
ಏನು ಪುಟ್ಟ??? ತಿಂಡಿ ತಿನ್ದ್ಯೇನೋ? ಏನೋ ಇವತ್ತು ಇಷ್ಟು ಬೇಗ ಮನೆಗೆ ಬರ್ತೀಯಾ???
...........
ಸಹನಾ ಪುಟ್ಟ, ಮನೆಗೆ ಬಂದಮೇಲೆ.. ಹುಷಾರಾಗಿ ಬಾಗಿಲು ಹಾಕ್ಕೊಂಡು ನಿದ್ದೆ ಮಾಡು. ಕೆಲ್ಸ ಏನು ಮಾಡೋಕೆ ಹೋಗಬೇಡ. ಬೋರ್ ಆದ್ರೆ ಟಿವಿ ನೋಡು ಪುಟ್ಟ.
...........
...........
...........
ಸರಿ ಇಡ್ಲಾ????
ವೀಣಾ, ತಗೊಳ್ರಿ ನೆನ್ನೆ ಚಕ್ಕುಲಿ ಮಾಡಿದ್ದೆ, ಹೆಂಗಿದೆ ಹೇಳಿ...

ಒಂದು ಘಂಟೆ ಅವಧಿಯಲ್ಲಿ ಇಂತ ಮಾತು-ಕತೆಗಳು ಬೇಜಾನ್ ಇದ್ವು... ೩೦ ನಿಮಿಷ ಆಗ್ತಾ ಇದ್ದಂಗೆ ಮಹಾಲಕ್ಷ್ಮಿ ಮೇಡಂ, ರಾಧ ಮೇಡಂ ನ ಕರ್ಯೋಕೆ ಶುರು ಮಾಡಿದ್ರು..

ರೀ ರಾಧ, ಬನ್ರಿ subscriber ಆಗ್ಲಿಂದ ಕಾಯ್ತಾ ಇದ್ದಾರೆ..

ಹ, ಬಂದೆ ರೀ, ಲಕ್ಷ್ಮಿ....

ಇನ್ನು ಸ್ವಲ್ಲ್ಪ ಹೊತ್ತು ಅಗೋ ಹೊತ್ಗೆ, ರಾಧ ಮೇಡಂ ಗಾಗಿ ಕಾಯ್ತಿದ್ದ ಇನ್ನೊಬ್ಬ subscriber ರೆಗಾಡೋಕೆ ಶುರು ಮಾಡಿದ.. ಮಹಾಲಕ್ಷ್ಮಿ ಆಂಟಿ ಎದ್ದು ಹೋಗಿ, ರೀ ರಾಧ, ಅಲ್ಲಿ ಒಬ್ರು subscriber ಜೋರ್-ಜೋರು ಮಾತಾಡ್ತಾ ಇದ್ದಾರೆ ಬನ್ರಿ.. ಎಷ್ಟು ಹೊತ್ತಿಂದ ಕಾಯ್ತಾ ಇದ್ದಾರೆ... ಅಂತ ಹೇಳಿದ್ರು...
ಬಂದಮೇಲೆ ಮೊದಲಿದ್ದ ವ್ಯಕ್ತಿಯ ಜೊತೆ ಸ್ವಲ್ಪ ಬಾಕ್ಸಿಂಗ್ ಆಡಿ, ಕಳ್ಸಿದ್ರು...

ಮೇಡಂ, ವೆರಿಫೈ ಮಾಡ್ಸಿದ್ದು ಆಯ್ತು, ಚೇಂಜ್ ಮಾಡಿಕೊಡಿ, ಈಗ್ಲೇ ದುಡ್ಡು ಕಟ್ಟಿ ಹೋಗ್ತೀನಿ.

ಇದು ಒಂದು xerox ಕಾಪಿ ಬೇಕಲ್ಲಪ್ಪ.. ಹೋಗಿ ಒಂದು ಕಾಪಿ ಮಾಡಿಸ್ಕೊಂಡು ಬರ್ತೀಯಾ???

ಮೇಡಂ, ಮೊದ್ಲು ನೀವು ಎಲ್ಲ ಲೆಕ್ಕ ಮಾಡಿ ಹಾಕಿ ಕೊಡಿ, ಆಮೇಲೆ ಕಾಪಿ ಮಾಡಿಸ್ಕೊಂಡು ತಂದು ಕೊಡ್ತೀನಿ, ಬಿಲ್ಲು ಕಟ್ಬೇಕು...

ಒಹ್, ೧೨ ರಿಂದ ೩೦ ವರೆಗೂ ಇರ್ಲಿಲ್ಲ್ವ, ಸರಿ.
after some calcualation, bill amount changed/corrected.

ಮರಿಬೇಡ, ತಂದು ಕೊಡಪ್ಪ.. xerox ಮಾಡ್ಸಿ ಅದು ಕೊಡು ಸಾಕು, ಇದು ಒರಿಜಿನಲ್ ನೀನೆ ಇಟ್ಕೋ...
ಥ್ಯಾಂಕ್ಸ್ ಹೇಳಿ, ಬಿಲ್ ಕಟ್ಟೋಕೆ ಹೋದೆ, Qನಲ್ಲಿ ಇದ್ದದ್ದು ೫ ಜನ, ನಾನು ಆರನೆಯವನು.

ಮೊದಲ್ನೇ ವ್ಯಕ್ತಿ ದು ಆಯ್ತು, ಎರಡನೆಯವರು ಒಬ್ಬ ಮಧ್ಯವಯಸ್ಕ ಅಂಕಲ್... ಮಗುನ ಭುಜದ ಮೇಲೆ ಮಲಗಿಸಿಕೊಂಡು ನಿಂತಿದ್ದಾರೆ, ಅವರ ಸರದಿ.

ಸಾರ್, ಬಿಲ್ ಅಮೌಂಟ್ ಚೇಂಜ್ ಆಗಿ swipe ಆಗಿದೆ, ಸ್ವಲ್ಪ ಸೈಡ್ ಅಲ್ಲಿ ವೈಟ್ ಮಾಡಿ, ನೋಡ್ತೀನಿ...

ಹತ್ತು ನಿಮಿಷ ಅದು ಇದು ಹಂಗೆ ವೇಸ್ಟ್, ...

ಸರ್, ಒಂದು ಕೆಲ್ಸ ಮಾಡಿ, ಮುಂದಿನ ಬಿಲ್ ಅಲ್ಲಿ ಈ extra ಅಮೌಂಟ್ ಪೇ ಆಗಿರೋದು ಕ್ರೆಡಿಟ್ ಆಗುತ್ತೆ.. ಏನು ಪ್ರಾಬ್ಲಮ್ ಇಲ್ಲ...

...........

...........

...........

ನನ್ನ ಸರದಿ ಬಂತು,
ಮೇಡಂ, ಬಿಲ್ ಅಮೌಂಟ್ ಚೇಂಜ್ ಆಗಿದೆ, ನೋಡಿ ಅಷ್ಟು ಮಾತ್ರ pay ಮಾಡ್ತೀನಿ, receipt ಆ ಅಮೌಂಟ್ ಗೆ ಹಾಕಿ.

...........
...........

ಸರಿ.

ಯಾಕೆ ಕೆಲ್ಸ ಬೇಗ ಆಗೋಲ್ಲ... (ಒಂದು ಅನುಭವ) - 1

ಶ್ರಾವಣ ಶುರುವಾಗಿತ್ತು, ಅದರ ಜೊತೆ ಹಬ್ಬಗಳ ಸರಮಾಲೆ. ನಮ್ಮಲ್ಲಿ ಕೇಳ್ಬೇಕೆ ಹಬ್ಬಗಳು ಅಂದ್ರೆ ಪೂಜೆ, ಪುನಸ್ಕಾರ, ವ್ರತ, ಅದು-ಇದು.. ಅದರ ಜೊತೆ ತಿಂಡಿ-ತಿನಿಸುಗಳು ಇದ್ದೇ ಇರ್ತಾವೆ. ಶ್ರಾವಣ ಶುರು ಆಗೋದಕ್ಕೂ, ತಿಂಡಿಗಳಿಗೂ, ಈ ಲೇಖನದ ಶೀರ್ಷಿಕೆಗೂ ಏನು ಸಂಬಂಧ?? ಜಾಸ್ತಿ ತಲೆ ಕೆಡಿಸ್ಕೋಬೇಡಿ, ಅರ್ಧ ದಿನದ ಅನುಭವ ಹೇಳ್ತೀನಿ, ಎಷ್ಟು ಬೇಗ ಓದಿ ಮುಗಿಸ್ತೀರೋ ಅಷ್ಟು ಸಮಯದಲ್ಲಿ ಅರ್ಥ ಮಾಡ್ಕೊಳ್ಳಿ...

ಜುಲೈ ೨೧ ಶನಿವಾರ, ಆಗ್ಲೇ ಒಂದು ತಿಂಗ್ಳಿಂದ ಮನೇಲಿ ಇಂಟರ್ನೆಟ್ ಕೆಲ್ಸ ಮಾಡ್ತಾ ಇರ್ಲಿಲ್ಲ, ಅದರ ವಿಷ್ಯವಾಗಿ, ಬಿಲ್ ಅಮೌಂಟ್ ಸರಿ ಮಾಡಿಸ್ಬೇಕಿತ್ತು ಹಾಗಾಗಿ ಸರ್ಕಾರಿ ಸ್ವಾಮ್ಯದ ದೂರಸಂಪರ್ಕ ಕಛೇರಿಗೆ ಹೋಗಿದ್ದೆ. ಬೆಳಿಗ್ಗೆ ೧೦ ಘಂಟೆಗೆ BSNL ಆಫೀಸ್ ಗೆ ಹೋದವ್ನು ಮನೆಗೆ ವಾಪಾಸ್ ಬಂದಾಗ ಮಧ್ಯಾಹ್ನ  ೧.೪೫ ಅಷ್ಟೇ.

ಸಾರ್, ಬಿಲ್ ಕರ್ರೆಕ್ಶನ್ ಇದೆ, ಹನುಮಂತನಗರ ಏರಿಯಾ, ಯಾರ್ಹತ್ರ ಹೋಗ್ಬೇಕು??

ಅಲ್ಲಿ ರೈಟ್ ಸೈಡ್ ಆಫೀಸ್ ಒಳಗೆ ಹೋಗಿ ಕೇಳಿ ಸರ್...
ಬಲಗಡೆ ಇದ್ದ ಆಫೀಸ್ ಒಳಗೆ ಹೋದೆ,

ಮೇಡಂ, ಬಿಲ್ ಕರ್ರೆಕ್ಶನ್ ಇದೆ, ಹನುಮಂತನಗರ ಏರಿಯಾ, ಯಾರು ಇನ್ಚಾರ್ಜು???

ಅಲ್ಲಿ ರಾಧ ಅಂತ ಕೂತಿದಾರೆ ನೋಡಪ್ಪ, ಅಲ್ಲಿ ಹೋಗಿ ಮಾತಾಡು.

ಥ್ಯಾಂಕ್ಸ್ ಮೇಡಂ. :)

ನಮಸ್ಕಾರ ಮೇಡಂ, ಕಳೆದ ತಿಂಗ್ಳು ಫುಲ್ ಇಂಟರ್ನೆಟ್ ಇರ್ಲಿಲ್ಲ, ಅದಕ್ಕೆ ಬಿಲ್ ಅಲ್ಲಿ ಚೇಂಜ್ ಮಾಡಿಸ್ಬೇಕು ಅಮೌಂಟ್ ನ,

AE ಬರ್ಕೋಟ್ಟಿದಾರ, ನಮ್ದೆ ಪ್ರಾಬ್ಲಮ್ ಅಂತ?

ಹೌದು ಮೇಡಂ, ಇಲ್ಲಿದೆ ನೋಡಿ ಅವ್ರು ಕೊಟ್ಟಿರೋ ಲೆಟರ್.

ಸರಿ, ನಿಮಗೆ ಇಂಟರ್ನೆಟ್ ಪ್ರಾಬ್ಲಮ್ ಆಗಿತ್ತು, ನೀವು ಯುಸ್ ಮಾಡಿಲ್ಲ ಅಂತ ವೆರಿಫೈ ಆಗಬೇಕು, ಅಲ್ಲಿ ಹಿಂದೆ ವೆರಿಫಿಕೇಶನ್ ಮಾಡ್ತಾರೆ ಹೋಗಿ ಮಾಡಿಸ್ಕೊಂಡು ಬನ್ನಿ, ಆಮೇಲೆ ಬಿಲ್ ಕರೆಕ್ಟ್ ಮಾಡಿ ಕೊಡ್ತೀನಿ.

ಥ್ಯಾಂಕ್ಸ್ ಮೇಡಂ,
ಹಿಂದೆ ಇದ್ದ ಆಫೀಸ್ ಕಡೆ ಹೊರಟೆ....

ಮೇಡಂ, ಹೋದ ತಿಂಗ್ಳು ಇಂಟರ್ನೆಟ್ ಬರ್ತಾ ಇರ್ಲಿಲ್ಲ, ಅದಕ್ಕೆ ಬ್ರಾಡ್ಬ್ಯಾಂಡ್ ಯೂಸೇಜ್ ಆಗಿಲ್ಲ ಅಂತ ವೆರಿಫೈ ಮಾಡಿ ಕೊಡ್ಬೇಕು. ರಾಧ ಮೇಡಂ ವೆರಿಫೈ ಮಾಡಿಸ್ಕೊಂಡು ಬಾ ಅಂತ ಹೇಳಿದ್ರು, ಆಮೇಲೆ ಅವ್ರು ಬಿಲ್ ಚೇಂಜ್ ಮಾಡ್ತಾರಂತೆ.

ಹೌದಾ, ಕೊಡಪ್ಪ ಇಲ್ಲಿ,
logged into their server, verified whether any broadband usage was there or not.
ನೋಡಪ್ಪ, ಇಲ್ಲಿ ಜೂನ್ ೧೨ ರಿಂದ ಜೂನ್ ೩೦ ವರ್ಗು ಯುಸ್ ಮಾಡಿಲ್ಲ.. ಅದನ್ನು ಮಾತ್ರ  ಬರೆದು ಕೊಡ್ತೀನಿ, ಈ ತಿಂಗಳದ್ದು ಆಗೋಲ್ಲ, ಇನ್ನು ಬಿಲ್ ಜೆನೆರೆಟ್ ಆಗಿಲ್ಲ.

ಸರಿ ಮೇಡಂ, ಅಷ್ಟೇ ಕೊಡಿ.

ರೀ ಉಮಾ, ಇದು ಒಂದು ಎಂಟ್ರಿ ಮಾಡ್ಕೊಳ್ಳಿ, ಅಲ್ಲಿ ಒಂದು ಎಂಟ್ರಿ ಮಾಡ್ಸಿ ಹೋಗಪ್ಪ.

ಥ್ಯಾಂಕ್ಸ್ ಮೇಡಂ,
ಉಮಾ ಮೇಡಂ ಎಂಟ್ರಿ ಮಾಡಿದ್ರು ಮತ್ತೆ ರಾಧ ಮೇಡಂ ಕಡೆಗೆ.

ಮೇಡಂ, ವೆರಿಫೈ ಮಾಡ್ಸಿದ್ದು ಆಯ್ತು, ಚೇಂಜ್ ಮಾಡಿಕೊಡಿ, ಈಗ್ಲೇ ದುಡ್ಡು ಕಟ್ಟಿ ಹೋಗ್ತೀನಿ.

ಒಹ್, ೧೨ ರಿಂದ ೩೦ ವರೆಗೂ ಇರ್ಲಿಲ್ಲ್ವ, ಸರಿ.
after some calcualation, bill amount changed/corrected.
ಥ್ಯಾಂಕ್ಸ್ ಹೇಳಿ, ಬಿಲ್ ಕಟ್ಟೋಕೆ ಹೋದೆ, Qನಲ್ಲಿ ಇದ್ದದ್ದು ೫ ಜನ, ನಾನು ಆರನೆಯವನು.

ನನ್ನ ಸರದಿ ಬಂತು,
ಮೇಡಂ, ಬಿಲ್ ಅಮೌಂಟ್ ಚೇಂಜ್ ಆಗಿದೆ, ನೋಡಿ ಅಷ್ಟು ಮಾತ್ರ pay ಮಾಡ್ತೀನಿ, receipt ಆ ಅಮೌಂಟ್ ಗೆ ಹಾಕಿ.

ಸರಿ.

Complete process ಮುಗಿತು....
ಇದ್ರಲ್ಲಿ ಏನಿದೆ ವಿಶೇಷ, normal.. ನೀನು ಅಲ್ಲಿಗೆ ಹೋದೆ, ಬಿಲ್ ಸರಿ ಮಾಡಿಸಿ, ದುಡ್ಡು ಕಟ್ಟಿ ಬಂದೆ. ಮುಗಿತು ಅಲ್ವ????

ಆದ್ರೆ ಇಲ್ಲಿ ಯೋಚನೆ ಮಾಡ್ಬೇಕಾದ ವಿಷ್ಯ ಏನು ಅಂದ್ರೆ, ಇಷ್ಟಕ್ಕೆಲ್ಲ ಎಷ್ಟು ಟೈಮ್ ಆಗುತ್ತೆ ಅಂತ.
Verification - max 10 mins
Calculation/correction - max 7 mins
Bill pay - 15mins ( I was the 6th person in Q - 2mins for each person).
ಇದೆಲ್ಲಾ ಸೇರ್ಸಿ ಒಟ್ಟಾಗಿ ಹೇಳೋದಾದ್ರೆ, ಗರಿಷ್ಠ ಒಂದು ಘಂಟೆ ಆಗಬಹುದು ಅಲ್ವೇ?
ಹೀಗಿರ್ಬೇಕಿದ್ರೆ ೧೦ ರಿಂದ ೧.೪೫, ಮೂರು ಮುಕ್ಕಾಲು ಘಂಟೆ ಹೆಂಗಾಯ್ತು????  ಮುಂದಿನ ಆರ್ಟಿಕಲ್ ಓದಿ.... :) :D :P

http://gundachandru.blogspot.in/2012/08/2-complete-conversation.html

28 hours....

ಏನು ಎತ್ತ ಅಂತ ಗೊತ್ತಿಲ್ಲ, ಕಳೆದ ವರ್ಷ ಯಾಕೋ ಒಂದು ಆಸೆ ಮನಸಲ್ಲಿ ಬಂದ್ಬಿಡ್ತು ಕಣ್ರೀ.. ಏನಾದ್ರೂ ಆಗ್ಲಿ ಜೋಗ ಜಲಪಾತಕ್ಕೆ ಹೋಗ್ಲೇಬೇಕು ಅಂತ.... ಒಂದ್ಸಲ ಅದನ್ನ ಕಣ್ತುಂಬ ನೋಡ್ಲೇಬೇಕು ಅಂತ...

ಅಸೆ ಇದ್ರೂ ಏನ್ ಪ್ರಯೋಜನ, ಅದು ಕೈಗೂಡ್ಬೇಕು ಆಲ್ವಾ? ಹೋದ ವರ್ಷ ಜೂನ್ ಇಂದ ಕಾದು ಕಾದು, ಈಗ ಅದಕ್ಕೆ ಟೈಮ್ ಬಂತು. ಹೋದ ವರ್ಷ ಜೂನ್ ಇಂದ, ಒಂದಲ್ಲ ಒಂದು ಕಾರಣ, ಅಡ್ಡ ಬರ್ತಿತ್ತು, ಎಲ್ಲ ಸರಿ ಇದೆ ಅಂತ ಅನ್ಕೊಂಡ್ರೆ ಜೋಗದಲ್ಲಿ ನೀರಿಲ್ಲ ಅನ್ನೋ ಕೆಟ್ಟ ವಿಷ್ಯ ಬೇರೆ ಕಿವಿಗೆ ಬೀಳೋದು. ಹೀಗೆ ವರ್ಷ ಕಳೆದ್ಮೇಲೆ, ನಂಗು ತಲೆ ಒಂದು ಲೆವೆಲ್ಗೆ ಫುಲ್ ಕೆಟ್ಟಿತ್ತು, ಹಾಗಾಗಿ ಡಿಸೈಡ್ ಮಾಡ್ಕೊಂಡೆ, ಏನಾದ್ರೂ ಆಗಲಿ ಈ ಸಲ ಹೋಗ್ಲೇಬೇಕು, ಫೋಟೋ ತೆಗಿಲೇಬೇಕು ಅಂತ. ಸದ್ಯಕ್ಕೆ ನಾನು ಒಬ್ನೇ ಹೋಗಿ ಬರೋದು ಅಂತ ಅನ್ಕೊಂಡಿದ್ದೆ, ಯಾಕಂದ್ರೆ, ಜನರನ್ನ (friends) ರೆಡಿ ಮಾಡ್ಸಿ, ಅವ್ರಿಗೆ ಕಾಯ್ಕೊಂಡು, ಅವ್ರೆಲ್ಲಾ ಓಕೆ ಅಂದು ಆಮೇಲೆ ಹೋಗೋದು, ಉಸ್ಸ್ಸ್ಸ್!!!! ಬಾರಿ ರಿಸ್ಕ್ ಕೆಲ್ಸ, ಯಾರಿಗೂ ಹೇಳೋದು ಬೇಡ ಅಂತ ಅನ್ಕೊಂಡಿದ್ದೆ. ಆದ್ರೆ, ಮೇಲಿನವ್ನು ಇದಾನೆ ಅಲ್ವ.. ಬಾರಿ ಛತ್ರಿ, "ತಾನೊಂದು ಬಗೆದರೆ, ದೈವವೊಂದು ಬಗೆವುದು" ಅನ್ನೋ ಹಾಗೆ ಆಯ್ತು. ಕೊನೆಗೆ ಹೇಗೋ, ಯಾವ್ದೋ ವಿಷ್ಯಕ್ಕೆ, ಏನೋ ಮಾತಾಡ್ಬೇಕಿದ್ರೆ ಬಾಯ್ತಪ್ಪಿ ಹೇಳ್ಬಿಟ್ಟೆ ;) . ಮುಗಿತು ಕಥೆ, ಹೇಳಿದ ತಕ್ಷಣ ಒಂದು ವಿಕೆಟ್ ರೆಡಿ (ಸಂತು), ಇನ್ನು ಸ್ವಲ್ಪ ಹೊತ್ತಲ್ಲೇ ಇನ್ನೆರಡು (ಸ್ವಾಮಿ, ಚೇತನ್). So, ಒಂದು ಇದ್ದದ್ದು ನಾಲ್ಕಾಯ್ತು. ಮುಂದೆ???  ಸರಿ ಹೋಗೋಣ, 16th sept 2011 ಶುಕ್ರವಾರ  ರಾತ್ರಿ ಹೊರಟು, ಶನಿವಾರ ರಾತ್ರಿ ವಾಪಾಸ್ ಬರೋಣ ಅಂತ ಮಾತು ಕಥೆ ಮಾಡ್ಕೊಂದ್ವಿ. ಆದ್ರೆ ಕಾರಣಾಂತರಗಳಿಂದ, ಆ ದಿನ ಹೋಗೋದು ಬೇಡ ಅಂತ ಮತ್ತೆ ಪ್ಲಾನ್ ಚೇಂಜ್.  ಮುಂದಿನ ವಾರ ಹೋಗೋಣ (ಆಗಲು ನಾಲ್ಕೇ ಜನ ಅಂತ ಪ್ಲಾನ್ ಇದ್ದಿದ್ದು.). ಈ ಒಂದು ವಾರ ಗ್ಯಾಪ್ ಅಲ್ಲಿ... ;) ಮತ್ತೊಂದು ಟ್ವಿಸ್ಟ್. ಹ್ಹ ಹ ಹ. ನನ್ನ ಬಾಯಿ ಹಾಗೆ ಸುಮ್ನೆ ಇರೋದಿಲ್ಲ, ಇನ್ನೊಬ್ಬ ಫ್ರೆಂಡ್ ಹತ್ರ ಬಾಯ್ಬಿಟ್ಟೆ, Done, +2. ಎಷ್ಟಾಯ್ತು?? ಆರು. ಹ ಹ ಹ...

ಒಂದರಿಂದ ಆರು, ಅಲ್ಲಿಗೆ ನಿಲ್ತು ಅನ್ಕೊಂಡ್ರ??? ಇಲ್ಲಾ... ಇಲ್ವೆ ಇಲ್ಲಾ. :)  ಸುವರ್ಣ ಕರ್ನಾಟಕ ಸಾರಿಗೆ ಬಸ್ಸಲ್ಲಿ ಒಬ್ನೇ ಹೋಗೋದು ಅಂತ ಆಗಿದ್ದ ಪ್ಲಾನ್, ರಾಜಹಂಸ ಬಸ್ಸಲ್ಲಿ ನಾಲ್ಕು ಜನ ಹೋಗೋದು ಅಂತ ಆಯ್ತು, ಆಮೇಲೆ  ಆರು ಜನ ಟಾಟಾ ಸುಮೋ ಮಾಡ್ಕೊಂಡು ಹೋಗೋಣ ಪ್ಲಾನ್ ಚೇಂಜ್ ಮಾಡಿದ್ವಿ. ಕೊನೆಗೆ ಹೋಗಿದ್ದು TTಅಲ್ಲಿ, ಒಟ್ಟು ಹನ್ನೆರಡು!!!!

ಇಷ್ಟೆಲ್ಲಾ ಆಗಿ, ಫೈನಲ್ಲಿ ಶನಿವಾರ 24th sept 2011 ರಾತ್ರಿ ಒಂಬತ್ತಕ್ಕೆ ಹೊರಡೋದು ಅಂತ ಮಾತಾಡ್ಕೊಂಡು ಅದೇ ರೀತಿ, ಶನಿವಾರ ರಾತ್ರಿ ಒಂಬತ್ತು ಘಂಟೆಗೆ ಶುರು ಮಾಡಿದ್ವಿ ನಮ್ಮ ಪಯಣ, ಜೋಗ ಜಲಪಾತದ ಕಡೆಗೆ.  ನಾನು ಮನೆ ಇಂದ ಹೊರಟಾಗ 8.45PM, ಅಲ್ಲಿಂದ ಸೀತಾ ಸರ್ಕಲ್ ಗೆ ಹೋಗೋದು 9.00PM ಆಗಿತ್ತು. ಕದ್ರೆನಹಳ್ಳಿ ಪೆಟ್ರೋಲ್ ಬಂಕ್ ಮೊದಲ ಪಿಕ್-ಅಪ್ ಪಾಯಿಂಟ್, ಅಲ್ಲಿಂದ ಶುರು ಆಗಿ, ಎಲ್ಲರನು ಪಿಕ್ ಮಾಡಿ ಯಶವಂತಪುರ ರೀಚ್ ಆಗೋದು 10-10.15 ಆಯ್ತು. Dry ಜಾಮೂನ್ ತಿನ್ತಾ , ಮಾತು, ಕಾಲೆಳೆದಾಟ , ಕೀಟಲೆ, ಸ್ವಲ್ಪ ನಿದ್ದೆ ಇದು ನಮ್ಮ journey ಯ main ಕೀ ಪಾಯಿಂಟ್ಸ್... :) . ಯಶವಂತಪುರದಿಂದ ಸೀದಾ ಹೊರಟ ನಾವು, funny ದೆವ್ವದ ಮೂವಿ ನೋಡ್ಕೊಂಡು ಅಲ್ಲಿ ಇಲ್ಲಿ ಒಂದೆರಡು break ತಗೊಂಡು ಮುಂದೆ ಹೋಗ್ತಾ ಇದ್ವಿ. ಫಿಲಮ್ಮು ಸಕ್ಕತ್ತಾಗಿತ್ತು, ಅದನ್ನ ನೋಡಿ ನಮ್ಮ ಗೆಳಯರಲ್ಲಿ ಕೆಲವರು ಒಂದ್ಚೂರು ಹೆದರ್ಕೊಂಡಿದ್ದು ಆಯ್ತು,  ಇದೆಲ್ಲದರ ಮಧ್ಯೆ, break ಅಲ್ಲಿ ಗೊತ್ತಾದ ಒಂದು ಮುಖ್ಯವಾದ ವಿಷ್ಯ ಏನು ಅಂದ್ರೆ, ಗಂಡಸರ ಬೆಲೆಯನ್ನು normalize/generalize ಮಾಡಿ, ಒಂದು ಬೆಲೆ ಕಟ್ಟಿರೋದು. ನಿಮಗೆ ಆ ರೇಟ್ ಏನಾದ್ರು ಗೊತ್ತಾ???? ಗೊತ್ತಿಲ್ಲ ಅಂದ್ರೆ ಈ ಪಿಕ್ಚರ್ ನೋಡಿ :) ;) .ನಾನು ಮತ್ತೆ ನಮ್ಮ ಗೆಳೆಯರು ತಿಂಡಿ ಪ್ರಿಯರು ಅಂತ ಏನಲ್ಲ, ಏನೋ ಹೊಟ್ಟೆ ಹಸಿದಾಗ.. ಸ್ವಲ್ಪ ಸ್ವಲ್ಪ ತಿಂತೀವಿ ಅಷ್ಟೇ. ಹಿಂಗೆ ಸೆಕೆಂಡ್ ಬ್ರೇಕ್ ಅಲ್ಲಿ ಲೈಟ್ ಆಗಿ ಒಂದೆರಡ್-ಮೂರು ಇಡ್ಲಿ ತಿಂದು ಚಾ. ಕುಡಿದು... ಮತ್ತೆ ಗಾಡಿ ಏರ್ಕೊಂಡು ಜೈ ಅಂತ ಮುಂದೆ ಹೋದ್ವಿ. ಅಲ್ಲಿಂದ ಹೊರಟು ಜೋಗಜಲಪಾತ ರೀಚ್ ಅದಾಗ ಬೆಳಗ್ಗೆ 5.30 ಆಗಿತ್ತು. ವಾಹ್.... ವಾಹ್...... ಮುಂಜಾವಿನ ಮುಸುಕಿನಲಿ ಮಂಜಿನ ಮಾಲೆಯಲಿ ಕಂಡಳು ಶರಾವತಿ.. ಆ ನಿಶ್ಯಬ್ಧ ಜಾಗದಲ್ಲಿ, ರೋರರ್ ನ ಸದ್ದು ಬಿಟ್ಟು ಬೇರೆ ಏನು ಕೇಳ್ತಾ ಇರ್ಲಿಲ್ಲ. ನೋಡೋದು ಕಣ್ಣಿಗೆ ತಂಪು, ಕೇಳೋದು ಕಿವಿಗೆ ಇಂಪು... ಆಹಾ.... ಅದಕ್ಕೆ ಕವಿ ಹೇಳಿರೋದು, "ಇರೋದ್ರೊಳ್ಗೆ ಒಮ್ಮೆ ನೋಡು ಜೋಗಾದ್ಗುಂಡಿ" ಅಂತ.

ಅಂದ್ಕೊಂಡಿದ್ದಂಗೆ ಗೆಸ್ಟ್ಹೌಸ್ ಬುಕ್ ಆಗ್ಲಿಲ್ಲ, ಯಾವ್ದೋ ಕಿರಿಕ್ ಪಾರ್ಟಿ ಎಂಟ್ರಿ ಇಂದ, ಏನು ಮಾಡೋಕೆ ಆಗೋಲ್ಲ.. ಇದು ನಮ್ಮ ದೇಶ. ಅದರಿಂದ ನಾವು ಫ್ರೆಶ್ ಆಗೋಕೆ ಬೇರೆ alternate ವ್ಯವಸ್ಥೆ ನೋಡ್ಕೊಬೇಕಾಯ್ತು. ನಂದನ್ ಅವರು ಅವರ ಪರಿಚಯದ ದೇವಸ್ಥಾನದಲ್ಲಿ ವ್ಯವಸ್ಥೆ ಮಾಡಿದ್ರು, ಅದರ ಜೊತೆ ಒಳ್ಳೆ ಭರ್ಜರಿ ತಿಂಡಿ ಕೂಡ ಇತ್ತು.. ;)  .  ಆ ದೇವಸ್ಥಾನ ಇರೋದು, ವಡಮ್ಬೈಲು (vadanbail) ಊರಲ್ಲಿ, ಆ ಊರಿಗೆ ಹೋಗ್ಬೇಕು ಅಂದ್ರೆ restricted area ಮೂಲಕ ಹೋಗ್ಬೇಕು, photography strictly prohibited, ಏನ್ ಮಾಡೋದು.....?? permission ತಗೊಂಡು ಒಳಗೆ ಹೋಗ್ತಾ ಇದ್ವಿ. ಬಿತ್ತು ನೋಡಿ ನಮ್ ಕಣ್ಣಿಗೆ ಒಂದು ಸುಂದರ view point. ಕೈ ಸುಮ್ನೆ ಇರುತ್ಯೇ?? ತಲೆಲಿ ಫೋಟೋ ತೆಗಿಬೇಕು ಅಂತ ಯೋಚನೆ ಬರೋದಿಲ್ವೇ? ಬಂತು, ಬಂದೇಬಿಡ್ತು... ಎಲ್ಲ ಚಕಾ-ಚಕ್ ಅಂತ ಇಳಿದು ಪೋಸ್ ಕೊಡೋಕೆ ರೆಡಿ ಆಗ್ಬಿಟ್ರು. ನಮ್ ಕ್ಯಾಮೆರಾಗಳ ಕಚಕ್-ಕಚಕ್ ಸೌಂಡ್ ಜಾಸ್ತಿ ಆಯ್ತು. ಅದು ಬಹುಶಃ ಕೇಳಿಸ್ತು ಅನ್ಸುತ್ತೆ, ದೊಡ್ಡ ಬಸ್ಸಲ್ಲಿ ಬಂದ್ರು ನಮ್ ಮಾವಂದಿರು. ಪೂಜೆ ಶುರು ಆಯ್ತು, ಕ್ಯಾಮೆರಾ ಕಿತ್ಕೊಳೋದು ಬಾಕಿ, ಆದ್ರೆ ಹೇಗೋ ಬಚಾವ್. ಮುಂದೆ ಚೆಕ್ ಪಾಯಿಂಟ್ ಅಲ್ಲಿ, ಕಾಯ್ತಾ ಕೂತಿದ್ರು. ನಾವು ಅಲ್ಲಿ ರೆಅಚ್ ಆಗ್ತಿದ್ದಂಗೆ ಕ್ಯಾಚ್ ಹಾಕ್ಕೊಂಡು, ತೆಗೆದಿದ್ದ ಫೋಟೋಸ್ ಡಿಲೀಟ್ ಮಾಡ್ಸಿದ್ರು. ನಮ್ಮ ಪುಣ್ಯ ಇಷ್ಟೇ ಅಂತ ಮುಂದೆ ಹೋಗಬೇಕಾಯ್ತು!!! ದೇವಸ್ಥಾನಕ್ಕೆ ಹೋದ್ಮೇಲೆ, ಸ್ನಾನ ಆಯ್ತು, ಸ್ವಲ್ಪ ರೌಂಡ್ ಮತ್ತೆ ಫೋಟೋ ಸೆಷನ್ ಮುಗಿದ್ಮೇಲೆ, heavy batting breakfast. ತಿಂಡಿ ತೀರ್ಥ ಆದ್ಮೇಲೆ ಮತ್ತೆ ಜೋಗದ ಕಡೆಗೆ ಪಯಣ. ಜೋಗ ತಲುಪಿದಮೇಲೆ ಗೊತ್ತಾಯ್ತು, ಹೆಂಗೆ ಬಿಸಿಲು ಅಂದ್ರೆ ಅಂತ, ಎಲ್ಲರು ಹೇಳ್ತಿದ್ರು,,, ಹುಷಾರು ಮಳೆ ಇದೆ, ಮಳೆ-ಮಾರು ಜೋಪಾನ...ಆಹಾ!!! ಅದಕ್ಕೆ ಮಳೆ ಅಂದ್ರೆ.. ಪರಮಾತ್ಮ ತೃಪ್ತನಾಗ್ತಾನೆ. :) .  ಅಲ್ಲಿ ಒಂದಷ್ಟು ಫೋಟೋ ತೆಗೆದ್ಮೇಲೆ, ಆನ್ ಸ್ಪಾಟ್ ಡೆಲಿವರಿ ಫೋಟೋ ಕೂಡ ಕ್ಲಿಕ್ ಮಾಡ್ಸಿ, ಫೋಟೋದು ಕಾಪಿ ತಗೊಂಡು, ಕೆಳಗೆ  ಇಲ್ಯೋಣ ಅಂದ್ಕೊಂಡು ಮುಂದೆ ಇಳಿಯೋಕೆ ಶುರು  ಮಾಡ್ಕೊಂದ್ವಿ. ಅರ್ಧ ಇಳಿಯೋ ಹೊತ್ಗೆ ಸುಸ್ತಾದಂಗೆ ಅನಿಸ್ತು (ನನಗಲ್ಲ ;) :ದ ), ಮತ್ತೆ ಅದು ನಮ್ಮ ಪ್ಲಾನ್ ಅಲ್ಲಿ ಇಲ್ಲದೆ ಇದ್ದಿದ್ರಿಂದ ಮತ್ತೆ ವಾಪಾಸ್ ಮೇಲೆ ಬಂದ್ಬಿಡೋಣ ಅಂತ ಅಲ್ಲಿಂದ ಕಾಲು ಕಿತ್ವಿ. ಮೇಲಿನ ಬಿಸಿಲು, ನೀರಿನ ಹವೆ, ಸುತ್ತ ಮುತ್ತಲಿನ ಗಿಡಗಳು, ಎಲ್ಲ ಮಿಕ್ಸ್ ಆಗಿ, ಬೆವರು, ಸುಸ್ತು, ಆಯಾಸ, ಆರಾಮ, ಮನೋಲ್ಲಾಸ, ಖುಷಿ ಒಟ್ಟೊಟ್ಟಿಗೆ ಆಗ್ತಿತ್ತು. ವಾಪಾಸ್ ಬರ್ತಾ, ನಮ್ಮೋರು ತುಂಬ ನಿಷ್ಟಾವಂತರು, ಬೆಳ್ಗೆ ಆಗಿದ್ದ ತಿಂಡಿ ಬಿಟ್ಟು ಮಧ್ಯಾಹ್ನ ಊಟ ಮಾತ್ರ ಮಾಡೋರು. ಈ ಮಧ್ಯೆ ಊಟ/ತಿಂಡಿ ತಿನ್ನೋದು ಬಹಳ ಕಡಿಮೆ, ಅದರಿಂದಲೇ ಒಂದು 5-6 ಸೌತೆಕಾಯಿ, 3-4 bottle  ಜೀರಿಗೆ ಸೋಡಾ,  ಪಲ್ಪಿ ಆರೆಂಜ್. etc. etc.  ಅಷ್ಟೇ ತಿಂತಾ /ಕುಡಿತಾ ಮೇಲೆ ಬಂದು, ಆಮೇಲೆ ನಮ್ಮ ಪಯಣ  ಮುಂಗಾರುಮಳೆ ಸ್ಪಾಟ್ ಕಡೆಗೆ.  ವಾವ್!! ವಾವ್!! ಅದ್ಭುತ... ಮೇಲಿಂದ ಬೀಳ್ತಿರೋ ಆ ಜೋಗದ ನೀರು ನೋಡೋಕೆ, ಏನೋ ಖುಷಿ.... ಅಲ್ಲಿನ ಪ್ರಪಾತದ ಆಳ, ಆ ನೀರಿನ ವೇಗ, ಹಾಲಿನಂತ ಬಣ್ಣ, ಕೆಳಗೆ ಬಿದ್ದಾಗ ಕಾಣುವ ಹಾಲಿನ ನೊರೆಯ ರೀತಿ, ಆ ನೀರಿನ ಹವೆಯಲ್ಲಿ ಸೂರ್ಯಕಿರಣ ನುಗ್ಗಿ ಅದರಿಂದಾದ ಕಾಮನಬಿಲ್ಲು.ಆಹಾ....! ಕಣ್ಣಿಗೆ ತಂಪು, ಮನಸಿಗೆ ಸಂತೋಷ. ನೋಡಿದ್ದಾಯ್ತು, ಆಮೇಲೆ ಏನು???  ನೀರಿಗೆ ಜಾರಿದ್ದೆ. ;)  ಬಿಸಿಲಲ್ಲಿ ಫುಲ್ ಬೆಂದು ಬೆವತಿತ್ತು ಜೀವ, ನೀರು ಕಾಣಿಸ್ತು, ಬೀಳೋಕೆ ಕೂಡ ಚೆನ್ನಾಗಿ ಅನಿಸ್ತು, ಬಿದ್ವಿ,  ಮಜಾ ಮಾಡಿದ್ವಿ :) ಆಮೇಲೆ ಎದ್ದು ಬಂದ್ವಿ. ಅಲ್ಲಿಂದ ಮತ್ತೆ ನಮ್ ಗಾಡಿ ಇರೋ ಜಾಗಕ್ಕೆ ಬರಬೇಕು ಅಂದ್ರೆ ನಡ್ಕೊಂಡು ಬರಬೇಕು ಅಲ್ವಾ?? ಅದೇ ಬಿಸಿಲು ಅಲ್ವಾ, ಮತ್ತೆ ಆಯಾಸ??? ;)  ಗಾಡಿ ಹತ್ರ ಬಂದ ತಕ್ಷಣ, ಏನಾದ್ರು ತಣ್ಣಗೆ ಕುಡಿಬೇಕು ಅನಿಸ್ತು ಎಲ್ಲರ್ಗೂ,  ಹಾಗಾಗಿ ಲೈಟ್ ಆಗಿ ಮಜ್ಜಿಗೆ ಕುಡಿದ್ವಿ. ಇದ್ದ ಹನ್ನೆರಡು ಜನರಲ್ಲಿ, ಒಂದಿಬ್ರು ಕುಡಿಲಿಲ್ಲ ಅನ್ಸುತ್ತೆ, ನಂಗೆ ಜ್ಞಾಪಕ ಇಲ್ಲಾ, ಒಟ್ಟು ಲೋಟಗಳ ಸಂಖ್ಯೆ ಮೂವತ್ತು (ನಾನು ಕೇವಲ ಮೂರುವರೆ- ನಾಲ್ಕುವರೆ ಲೋಟ ಕುಡಿದಿದ್ದೆ)  ದಾಟಿತ್ತು ಅಷ್ಟೇ. ಇಷ್ಟಾಯ್ತು ಮುಂದೆ???? ಮುಂದೆ ಇಕ್ಕೆರಿ ಕಡೆಗೆ... :)

ಸಾಗರಕ್ಕೆ ಹೋಗಿ, ಊಟ ಮಾಡಿ ಇಕ್ಕೆರಿಗೆ ಹೋದ್ವಿ. ಅಲ್ಲಿನ ಇತಿಹಾಸ ಪ್ರಸಿದ್ದ ದೇವಸ್ಥಾನ, ಅಲ್ಲಿ ದೇವರ ದರ್ಶನ ಮಾಡಿ ಮನೆ ಕಡೆ ಮುಖ ಮಾಡಿದ್ವಿ.
ಬರ್ತಾ ದಾರೀಲಿ ಮತ್ತೆ ಒಂದ್ಸಲ ಕಾಫಿ/ಟೀ ಆಯ್ತು, ಊಟ K.B. Cross ಅಲ್ಲಿ ಮುಗ್ಸಿ ಬೆಂಗಳೂರಿನೆಡೆಗೆ ಬಂದ್ವಿ. ನಾನು ಮನೆ ರೀಚ್ ಅದಾಗ 12.45 AM(26th Sept 2011) ಆಗಿತ್ತು.

for more pics... : click here

ಪದ..

ಬರೆಯಬೇಕೆನ್ನುತಿದೆ ಮುದ್ದು ಮನಸು....
ಏನ ಹೇಳಲಿ, ಪದಗಳಿಗೇಕೋ ನಾನೆಂದರೆ ಮುನಿಸು,,,
ಪರಿಚಯದ ಪದಗಳನು ಉಳಿಸಿ,
ಅಪರಿಚಿತ ಪದಗಳನು ಒಲಿಸಿ, 
ಪದಗಳ ಪ್ರಣಯವನಾಲಿಸಿ,
ಮುದ್ದಾಡಿ, ಗುದ್ದಾಡಿ, ರಚಿಸೊಂದ ಕವಿತೆಯನೆಂದಿತು ಮುದ್ದು ಮನಸು.... :)

Love Marriageಆಆಆಆಆ??? Arranged Marriageಆಆಆಆ???

ವೇಗವಾಗಿ ಓಡ್ತಾ ಇರೋ ಪ್ರಪಂಚದಲ್ಲಿ ಹೆಚ್ಚು ಜನ ಇದೇ ವಿಷ್ಯದ ಬಗ್ಗೆ ಜಗಳ ಆಡ್ತಾ ಇರ್ತಾರೆ, ಗೊಂದಲದಲ್ಲಿ ಇರ್ತಾರೆ. ನನ್ನ/ನಮ್ಮ ಸುತ್ತ-ಮುತ್ತ ನಡೆದ ಮತ್ತೆ ಇನ್ನು ನಡೆಯುತ್ತಿರುವ ಕೆಲವು ಘಟನೆಗಳು, ಜಗಳ, ಮನಃಸ್ಥಾಪ, ಹಿಂಸೆ, ಕಿರುಕುಳ, ಆತ್ಮಹತ್ಯೆ ಎಲ್ಲಾ ನೋಡಿ ಏನೋ ಒಂದ್ತರ ಅನ್ಸುತ್ತೆ. ಗಂಡು ಹೆಣ್ಣು ಮದ್ವೆ ಆಗೋಕೆ ಇಷ್ಟೆಲ್ಲಾ ರಾದ್ಧಾಂತ ಆಗಬೇಕಾ? ಪ್ರಕೃತಿಯ ಜೀವ ಚಕ್ರದ ಒಂದು ಭಾಗಕ್ಕೆ ಮುಖ್ಯ ಹೆಬ್ಬಾಗಿಲು ಆಗಿರುವ ಮದುವೆಗೆ, ಹೀಗೆ ಜಾತಿ, ಕುಲ, ಮತ ಅಂತ ಜಗಳ ಆಡಬೇಕಾ? ಈ ಎಲ್ಲಾ ಜಗಳ, ಮನಃಸ್ಥಾಪ, ಆತ್ಮಹತ್ಯೆ ಇತ್ಯಾದಿಗಳ ಸುತ್ತ ನಾನು ಸುತ್ತಿದ್ದೇನೆ, ನೀವು ಸುತ್ತಿರ್ತೀರ, ಆದರೂ ಈ ಬ್ಲಾಗ್ ನ article ಮೂಲಕ, ನನ್ನ ಅನಿಸಿಕೆ ಅಭಿಪ್ರಾಯಗಳನ್ನ ನಿಮ್ಮೊಂದಿಗೆ ಹಂಚಿಕೊಳ್ಳುವ ಮೂಲಕ ನಿಮ್ಮನ್ನು ಮತ್ತೆ ಒಂದು ಸುತ್ತು ಹಾಕ್ಸೋಣ ಅಂತ ನನ್ನ ಆಲೋಚನೆ. ಇದು ಆಲೋಚನೆಯೇ ಹೊರತು, ಯಾರ್ಗೂ hurt ಮಾಡ್ಬೇಕು, ತಪ್ಪಾಗಿದ್ರೆ ಎತ್ತಿ ತೋರಿಸ್ಬೇಕು, ನಾನೊಬ್ನೆ ಸರಿ, ಉಳಿದವರೆಲ್ಲ ತಪ್ಪು ಅನ್ನೋದು ನನ್ನ ಉದ್ದೇಶ ಅಲ್ಲ... :)

ಈ ಲೇಖನ ಓದಿ, ನಿಮ್ಮ ಅಭಿಪ್ರಾಯ ಹಂಚಿಕೊಳ್ಳಿ. ನೀವು ಇದೇ ರೀತಿ ಯೋಚಿಸಿದ್ದಲ್ಲಿ ನಿಮ್ಮ note  ಕೂಡ ಸೇರಿಸಿ.

ಮೊದಲು ಈ ಎರಡು ಸಾಲು ಓದಿ ನಂತರ ನಿಮ್ಮ ಓದನ್ನು ಮುಂದುವರೆಸಿ...

“ಈ ಲೇಖನದಲ್ಲಿ ಬರುವ ಯಾವುದೇ ಘಟನೆಗಳಾಗಲಿ,ಸಂದರ್ಭಗಳಾಗಲಿ ಇತ್ಯಾದಿಗಳು ಯಾವುದೇ ಒಬ್ಬ ವ್ಯಕ್ತಿ, ಸಂಸ್ಥೆ ಇತ್ಯಾದಿಗಳಿಗೆ  ಸಂಬಂಧಪಟ್ಟಿರುವುದಿಲ್ಲ. ಹಾಗೇನಾದರು ಇಲ್ಲಿ ಹೇಳಿರುವ ಘಟನೆಗಳು, ಸಂದರ್ಭಗಳು, ಕೊಟ್ಟಿರುವ ಉದಾಹರಣೆಗಳು ಯಾವುದೇ ವ್ಯಕ್ತಿ ಅಥವಾ ಸಂಸ್ಥೆ ಇತ್ಯಾದಿಗಳಿಗೆ ಹೊಂದಾಣಿಕೆಯಾದಲ್ಲಿ ಅದು ಕೇವಲ ಕಾಕತಾಳೀಯ ಮತ್ತು ಈ ರೀತಿಯ ಹೊಂದಾಣಿಕೆಗಳಿಗೆ blogger (ನಾನು), hosted blog ಅಥವಾ ಮತ್ಯಾರು ಜವಾಬ್ದಾರರಲ್ಲ. ಇವುಗಳ ವಿಷಯವಾಗಿ ಯಾವುದೇ ಪ್ರಶ್ನೆಗಳಿಗೆ ಆಸ್ಪದವಿಲ್ಲ”.

ನಾನು ನೀವು time ಇಲ್ಲ-time ಇಲ್ಲ ಅಂತ ಹೇಳ್ತಾನೆ ಎಷ್ಟೋ ಟೈಮ್ ಕಳೆದ್ಬಿಡ್ತೀವಿ. ಅಂತಹ ಟೈಮ್ ಹೇಗೆ ಮುಂದೆ ಹೋಗ್ತಿದೆ ಅಂತ ತಿಳ್ಕೊಳ್ಳುವಷ್ಟ್ರಲ್ಲೇ ಅದು ಮಾಯವಾಗಿ, ನಾವು ಯೋಚ್ನೆ ಮಾಡೋಕು ಆಗ್ದಿರುವಷ್ಟು ಮುಂದೆ ಹೋಗಿರುತ್ತೆ. ಹೀಗೆ ಅಲ್ಲಿ-ಇಲ್ಲಿ ಹೇಗೋ ಉಳಿಯೋ ಸ್ವಲ್ಪ ಟೈಮ್ ನ ನಾವು ಸರಿಯಾಗಿ ಉಪಯೋಗಿಸ್ಕೊಂಡು, ಅದರ ಒಳ್ಳೆ ರೀತಿಯ ಲಾಭಗಳನ್ನ ಪಡೆಯೋದ್ರಲ್ಲಿ ತುಂಬಾ ಖುಷಿ ಸಿಗುತ್ತೆ. ಈ ಟೈಮ್ ಜೊತೆ ಓಡ್ತಾ ಇರುವ ನಮ್ಮ ಪ್ರಪಂಚದಲ್ಲಿ, ಈಗ ಎಲ್ಲಾ ಕಡೆ ಜಾಗತೀಕರಣದ ಪರಾಕಾಷ್ಟೆ. ಜಾಗತೀಕರಣ ನಮಗೆ ವರಾನೋ?? ಶಾಪನೋ?? ಇದು ಒಂದು ಯಕ್ಷಪ್ರಶ್ನೆ. 

ಹೇಳ್ಬೇಕಾದ ವಿಷಯ ಬಿಟ್ಟು ಹಿಂಗೆಲ್ಲಾ ಯಾಕೆ ಇವ್ನು ಕಥೆ ಹೇಳ್ತಾ ಇದಾನೆ ಅಂತ ಬೇಜಾರ್ ಮಾಡ್ಕೋಬೇಡಿ, ಸ್ವಲ್ಪ ತಾಳ್ಮೆ ತಗೊಳ್ಳಿ... :) ಈ article ನ ನಾನು ಕತ್ತರಿಸಿ ಚಿಕ್ಕದಾಗಿ ಮಾಡ್ಬೇಕು ಅಂತಾನೆ ಅಂದ್ಕೊಂಡಿದ್ದೆ ಆದ್ರೆ ಇದು ಚಿಕ್ಕದಾಗುವ ಸಾಧ್ಯತೆ ತುಂಬಾ ಕಡಿಮೆ.

ಹೀಗೆ ಇಡೀ ವಿಶ್ವಾನೆ ಜಾಗತೀಕರಣ ಅಂತ ಮಾತಾಡ್ತಾ ಇರ್ಬೇಕಾದ್ರೆ, ನಮ್ಮದೇ ಸುತ್ತ-ಮುತ್ತ ಪ್ರತಿದಿನ ನಾವು ಕೇಳ್ತಾ ಇರ್ತೀವಿ, ವಯಸ್ಸಿಗೆ ಬಂದಿರೋ ಹುಡ್ಗ-ಹುಡ್ಗಿ ಇರುವ ಪ್ರತಿಯೊಂದು(ಹೆಚ್ಚು-ಕಡಿಮೆ ಪ್ರತಿಯೊಂದು)  ಮನೆಯಲ್ಲೂ, Love Marriage??? Arranged Marriage???? ಇದರ ಬಗ್ಗೆ ಕನಿಷ್ಠ ಗೊಂದಲ, ಸಣ್ಣ ಮಾತುಕತೆ (ವಾಗ್ವಾದ) ಇದ್ದೇ ಇರುತ್ತೆ.  ನಿಮ್ಮ ಪರಿಸ್ಥಿತಿ ಇದೇ ಆಗಿದ್ರೆ ನೀವು ಯಾವುದಕ್ಕೆ ನಿಮ್ಮ ವೋಟು ಹಾಕ್ತಿದ್ರಿ, Love Marriage?? ಅಥವಾ Arranged Marriage???

ನಾನು ಇಲ್ಲಿ, ಯಾವುದಕ್ಕೂ ಪರ ಅಥವಾ ವಿರೋಧ ಅಲ್ಲ. ನಮ್ಮ  ಸುತ್ತ  ಇಂತಹ ವಿಷಯಗಳನ್ನ ನೋಡಿ, ಅವುಗಳ ಬಗ್ಗೆ ನನಗೆ ಅನಿಸಿದ ಅನಿಸಿಕೆ ಇಲ್ಲಿ ಹಂಚ್ಕೊತಾ ಇದ್ದೆನಿ ಅಷ್ಟೇ.

ಮೊದಲು ಲವ್ ಮ್ಯಾರೇಜ್ ಬಗ್ಗೆ ಮಾತಾಡೋಣ.

ಮದ್ವೆ ವಯಸ್ಸಿಗೆ ಬಂದಿರೋ ಹುಡ್ಗ-ಹುಡ್ಗಿ, ಕಾಲೇಜ್ ಮೆಟ್ಟಲು ಹತ್ತಿರುವ ಯುವಕ-ಯುವತಿಯರು... ಹೀಗೆ young-young ಇರುವ ನಮ್ಮ young generation ಲವ್ ಮ್ಯಾರೇಜ್ prefer ಮಾಡ್ತಾರೆ. ಕೆಲವು ಸಲ ಮನೆ ಕಡೆ OK  ಆಗೋದು ಬಿಟ್ರೆ, ಹೆಚ್ಚಿನ ಸಲ ತಂದೆ-ತಾಯಿ ಇದಕ್ಕೆ ತದ್ವಿರುದ್ಧ.

ಸಾಮಾನ್ಯವಾಗಿ parents ಗಳಿಗೆ  ಏನು ಯೋಚ್ನೆ ಅಂದ್ರೆ ಆತ/ಆಕೆ ಯಾವ ಜಾತಿ-ಕುಲ, ಮತ-ಧರ್ಮಕ್ಕೆ ಸೇರಿದವರೋ, ಅವರಿಗೂ ನಮಗೂ ಹೊಂದಾಣಿಕೆ ಆಗುತ್ತೋ ಇಲ್ವೋ? ಆಸ್ತಿ-ಪಾಸ್ತಿ, ಮನೆತನ, ಹುಡ್ಗ/ಹುಡ್ಗಿ background ಹೇಗಿದೆಯೋ? ನಮ್ಮ ಮಗಳ್ನ ಇವ್ನು ಚೆನ್ನಾಗಿ ನೋಡ್ಕೊತಾನೋ, ಇಲ್ವೋ? ನಮ್ಮ ಮಗನಿಗೆ ಇವ್ಳು ಅಡ್ಜಸ್ಟ್ ಆಗ್ತಾಳೋ, ಇಲ್ವೋ? ಹೀಗೆ ಇನ್ನು ಹೆಚ್ಗೆ ಏನೇನೋ ಪ್ರಶ್ನೆಗಳು/ಯೋಚನೆಗಳು. ಮಕ್ಕಳನ್ನು ಪ್ರೀತಿಸೊ ಯಾವುದೇ ತಂದೆ-ತಾಯಿಗೆ ಇದು ಸಾಮಾನ್ಯ...

ಹೀಗಿರ್ಬೇಕಾದ್ರೆ, ನಾವು ಹೋಗಿ ತಂದೆ-ತಾಯಿ ಹತ್ರ ನಂಗೆ ಆ ಹುಡುಗ/ಹುಡುಗಿ ಇಷ್ಟ ಅವನನ್ನೇ/ಅವಳನ್ನೇ ಮದ್ವೆ ಆಗೋದು ಅಂದ್ರೆ ಕೋಪ ಬರೋದು, ಅದಕ್ಕೆ ತಕ್ಕಂತೆ ವಾಗ್ವಾದ, ಸಣ್ಣ ಜಗಳ ಇದೆಲ್ಲ ಸಹಜಾನೆ. ಇದಕ್ಕೆ ಮುಖ್ಯ ಇವು ಕಾರಣಗಳು ಇರಬಹುದು,

ಹುಡ್ಗ/ಹುಡ್ಗಿ ಸರಿಯಾಗಿದ್ದಾರೋ ಇಲ್ವೋ.

ಅವರಿಬ್ಬರ ಮಧ್ಯೆ ಇರೋದು ನಿಜವಾದ ಪ್ರೀತಿನಾ??? ಆಕರ್ಷಣೆನಾ??? ಆಸ್ತಿ-ಪಾಸ್ತಿ etc. ಮೇಲಿನ ಆಸೇನಾ?

ನಿಜವಾದ ಪ್ರೀತಿ ಆದ್ರೆ, ಅದು ಎಷ್ಟು ಗಟ್ಟಿ?

ಕೊನೆ ವರ್ಗು ಜೊತೆಗೆ ಇರ್ತಾರಾ? 

ಹೀಗೆ ಹತ್ತಾರು ಕಾರಣಗಳು ಸಿಗುತ್ತೆ, ಪ್ರಶ್ನೆಗಳು ಬರುತ್ತೆ. ಈ ಪ್ರಶ್ನೆಗಳಿಗೆ ಪುಷ್ಠಿ ಕೊಡೋದಕ್ಕೆ ಅಂತಾನೆ  ನಮ್ಮ ಸುತ್ತ  ಲವ್ ಮ್ಯಾರೇಜ್ failure caseಗಳು, ಆತ್ಮಹತ್ಯೆಗಳು, ಮೋಸ-ವಂಚನೆಗಳು ನಡಿತಾ ಇರ್ತಾವೆ.

ಈ teenage ಅನ್ನೋದೇ ಹಾಗೆ ನೋಡಿ, ಈ ageage ಅಲ್ಲಿ ಹಿಂಗೆಲ್ಲ ಏನೇನೋ ಆಗ್ಬಿಡುತ್ತೆ... ಹಿಂಗೆಲ್ಲ ಹೆಂಗೆಂಗೋ ಆಗೋದು ಏನು ಅಂತ ಗೊತ್ತಿಲ್ದೆ ಇದ್ರೂ, ಅದು ಹುಡ್ಗ ಹುಡ್ಗಿ ಮಧ್ಯೆ ಆದ್ರೆ ಕೊನೆಗೆ ಅದಕ್ಕೆ ಪ್ರೀತಿ ಅಂತಾನೆ ರೂಪ ಸಿಗೋದು. ಇಂತಹ ಪ್ರೀತಿ ಎಷ್ಟು ನಿಜ, ಎಷ್ಟು ಸುಳ್ಳು ಅಂತ ಹೇಳೋಕೆ ದಿವ್ಯ ದೃಷ್ಟಿ ಇರಬೇಕಾಗುತ್ತೆ. 

ಇದು ಬಿಡಿ, ಇನ್ನೇನು ಎಲ್ಲರ್ಗೂ ಚೆನ್ನಾಗಿ ಬುದ್ಧಿ ಬಂದಿರುತ್ತೆ, ಲೈಫ್ ಅಲ್ಲಿ settle ಅಗೋ ಟೈಮ್, ಆಗ ಹೇಗೋ ಪ್ರೀತಿ ಆಯ್ತು... ಅಥವಾ ಅದೇ ಹಳೆಯ ಪ್ರೀತಿ ಹಾಗೆ ಮುಂದುವರ್ಕೊಂಡು ಬಂದಿತ್ತು ಅಂತ ಅಂದ್ರೆ, ಈ ಪ್ರೇಮಿಗಳ ಮಧ್ಯೆ ಎದುರಾಗೋದು ಅಪ್ಪ-ಅಮ್ಮ. ಹುಡ್ಗ ಅಥವಾ ಹುಡ್ಗಿಗೆ ಮನೆ ಕಡೆ ಮದ್ವೆ ಮಾತುಕತೆ ಶುರುಅಗುತ್ತೆ, ಮೊದ-ಮೊದಲು ಇದಕ್ಕೆ ವಿರೋಧ ಅದ್ರು, "ಕಣ್ಣೀರಿಗೆ ಕರಗದ ಮನಸಿದೆಯೇ?" ಅಂತ ಕೇಳೋ ಪ್ರಶ್ನೆಗೆ ತಕ್ಕಂತೆ, ಕರಗಿ ಒಪ್ಕೋತಾರೆ. ಅದು ಒತ್ತಾಯಪೂರ್ವಕವಾಗಿ ಅದ್ರು ಆಗಬಹುದು, ಕಣ್ಣೀರ ಕಥೆ ಅದ್ರು ಆಗಬಹುದು ಅಥವಾ ಇನ್ನು ಬೇರೆ ಏನಾದ್ರು ಆಗಬಹುದು, ಒಟ್ನಲ್ಲಿ ಆ ಪ್ರೀತಿಗೆ break. ಇದನ್ನ ಪ್ರೀತಿ ಅನ್ಬೇಕೋ ಏನ್ ಅಂತ ಹೇಳಬೇಕೋ ಗೊತ್ತಿಲ್ಲ. ಹೀಗೆ ಒಂದು ಸಂದರ್ಭ ಎದುರಿಸೋಕೆ ಆಗದೆ ಇರೋರು ಪ್ರೀತಿ ಯಾಕೆ ಮಾಡ್ಬೇಕು??  ಅಥವಾ ತಾನು ಹೀಗೆ ಅಂತ ಗೊತ್ತಿದ್ಮೇಲೆ ಪ್ರೀತಿಗೆ ಯಾಕೆ ಒಪ್ಪಿಗೆ ಕೊಡ್ಬೇಕು?. ಈ ರೀತಿ break ಆಗೋಕೆ ಮುಂಚೆ ದಯವಿಟ್ಟು ಸ್ವಲ್ಪ ಯೋಚನೆ ಮಾಡ್ಬೇಕು ಅಲ್ವಾ? ಹಾಗೆ ಇನ್ನೊಂದು ವ್ಯಕ್ತಿಯ ಭಾವನೆಗಳಿಗೆ ಬೆಲೆ ಕೊಡ್ಬೇಕು ಅಲ್ವಾ?  ಇಂಥ ಸಂದರ್ಭದಲ್ಲಿ ದುರ್ಬಲ ಮನಸ್ಸಿನವರು ಏನ್ ಮಾಡೋಕು ಹಿಂದೂ-ಮುಂದು ನೋಡೋಲ್ಲ, ಅದರಿಂದ ಏನಾದ್ರು ಹೆಚ್ಚು-ಕಡ್ಮೆ ಆದ್ರೆ???? ವ್ಯಕ್ತಿಯ ಜೀವಕ್ಕೆ ಬೆಲೆ ಇದೆ ಅಲ್ವಾ??? ಹಾಗಾಗಿ ಪ್ರೀತಿ ಅಂಗೀಕಾರ ಆಗೋಕೆ ಮುಂಚೆ ಸ್ವಲ್ಪ ಯೋಚಿಸಿದರೆ ಒಳ್ಳೇದು, ಏನಂತೀರಾ???

ಪ್ರೀತಿ ಹೀಗೆ ದುರಂತ ಅಂತ್ಯ ಕಾಣೋದು ಒಂದ್ ಕಡೆ ಆದ್ರೆ, ಇನ್ನೊಂದು ಹಣ-ಆಸ್ತಿಯ ಮೇಲಿನ ದುರಾಸೆ, ಅಂದದ ಆಕರ್ಷಣೆ... ಹೀಗೆ ಹಣ-ಆಕರ್ಷಣೆ ಹಿಂದೆ ಬೀಳೋದ್ರಲ್ಲಿ ಹುಡ್ಗ-ಹುಡ್ಗಿ ಯಾರು ಏನ್ ಕಡಮೆ ಇಲ್ಲ, ಎಲ್ಲರು ಸಮಾನರೆ. ಆಸೆ ಆಕರ್ಷಣೆಗಳಿಂದ ಬಂದ ಪ್ರೀತಿ, ಮುಂದೆ ಮದ್ವೆ ಆಗಿ ಬದಲಾವಣೆ ಆದ್ರು, ಅದು ಎಷ್ಟು ದಿನ ಗಟ್ಟಿಯಾಗಿ ನಿಲ್ಲುತ್ತೆ ಅಂತ ಹೇಳೋಕೆ ಸಾಧ್ಯ ಇಲ್ಲ. ಆಸೆ-ಹಣ-ಆಕರ್ಷಣೆಯ ಮೂಲ ಎಲ್ಲಿವರ್ಗು ಬರಿದಾಗೊದಿಲ್ವೋ ಅಥವಾ ಬೇಸರ ತರ್ಸೋದಿಲ್ವೋ ಅಲ್ಲಿವರ್ಗು ಗಟ್ಟಿ ಇರಬಹುದು ಅಷ್ಟೇ. ಇದಕ್ಕೆ ಪ್ರೀತಿ ಅಂತ ಹೆಂಗಾದ್ರು ಕರ್ಯೋಕೆ ಸಾಧ್ಯ? ಅದಕ್ಕೆ ಅಂತಾನೆ ಬೇರೆ ಬೇರೆ ಹೆಸರುಗಳಿವೆ, ಅದರ ಬಗ್ಗೆ ಮಾತಾಡೋದು ಬೇಡ ಬಿಡಿ.

• ತನ್ನ ಎದೆ ಹಾಲು ಕುಡಿದ ಮಗು, ತನ್ನೆದೆಗೆ ಎರಡೂ ಕಾಲಲ್ಲಿ ಒದ್ದರೂ, ಆ ಮಗುವನ್ನೂ ಮುದ್ದಿಸ್ತಾಳೆ ಅಲ್ವೇ ಅದು ತಾಯಿ ಪ್ರೀತಿ.
• ತಂದೆ ತನ್ನ ಮಗುವನ್ನು ಆಟ ಅಡಿಸ್ಬೇಕಿದ್ರೆ, ಆ ಮಗು ಅವನ ಮೇಲೇರಿ ನೃತ್ಯ ಮಾಡಿದ್ರು, ಆ ಮಗುವಿನ ಹುಟ್ಟಿಗೆ ನಾನೇ ಕಾರಣ ಎನ್ನುವ ಅಹಂ ಬಿಟ್ಟು ಆ ಮಗುವಿನ ಭವಿಷ್ಯದ ಬಗ್ಗೆ ಯೋಚನೆ ಮಾಡ್ತಾನೆ ಅಲ್ವೇ ಅದು ತಂದೆ ಪ್ರೀತಿ.
• ಇನ್ನು ಗೆಳೆತನದಲ್ಲಿ ಹೇಳಲೇಬೇಕಿಲ್ಲ ಯಾವುದೇ ನಿರೀಕ್ಷೆಗಳಿಲ್ಲದ, ನಿಸ್ವಾರ್ಥ, ಮುಗ್ದ, ನಲಿವು-ನೋವು ಹಂಚ್ಕೊಂಡು ಸ್ಪಂದಿಸುವಂತಹ ಭಾವನೆ/ಅನುಭವ,  ತಿಳಿ ನೀರಿನಂಥ  ಪ್ರೀತಿ.   

ಇಷ್ಟೆಲ್ಲಾ ಎಲ್ಲೆಗಳನ್ನ ಮೀರಿ ಒಂದು ಜೋಡಿ ಮದ್ವೆ ಆದ್ರೆ, ಅದು ಖುಷಿ ತರುವಂತಹ ವಿಷ್ಯಾನೆ... :) ಮದ್ವೆ ಆದ್ಮೇಲೆ, ಒಂದೇ ಮನೇಲಿ ಇರ್ಬೇಕಿದ್ರೆ ಸಣ್ಣ-ಪುಟ್ಟ ಜಗಳ ಆಗೋದು ಸಾಮಾನ್ಯ, ಅದು ಗಂಡ-ಹೆಂಡತಿ ಮಧ್ಯೇನೇ ಆಗಿರಬೇಕು ಅಂತ ಅಲ್ಲ, ಅಣ್ಣ-ತಮ್ಮ, ಅಕ್ಕ-ತಂಗಿ, ಗೆಳೆಯರು, ಬಂಧುಗಳು ಯಾರೇ ಅದ್ರು ಇದು ತಪ್ಪಿದ್ದಲ್ಲ. ಇಂಥ ಸಣ್ಣ-ಪುಟ್ಟ ಜಗಳಗಳು ಪ್ರೀತಿ-ಪ್ರೇಮ, ಒಬ್ಬರನ್ನೊಬ್ಬರು ಅರ್ಥ ಮಾಡ್ಕೊಳೋದು, ಒಬ್ಬರಿಗೊಗ್ಗಬ್ಬರು ಅನುಸರಿಸ್ಕೊಂಡು ಹೋಗೋದು, ಹೀಗೆ ಯಾವ್ದೋ ಕಾರಣದಿಂದ ರಾಜಿ ಆದ್ರೆ ತುಂಬ ಚೆನ್ನಾಗಿರುತ್ತೆ. ಆದ್ರೆ ಅದು ಆಗೋದು ತುಂಬ ಕಡಿಮೆ ಅನ್ಸುತ್ತೆ, ನಾವು ಗಂಡ-ಹೆಂಡತಿ, ನಾನು ಮೇಲು, ನೀನು ಕೀಳು, ನಾನು ಎನ್ನುವ ಸ್ವಪ್ರತಿಷ್ಠೆ, ನಾನ್ಯಾಕೆ ಬಗ್ಗಬೇಕು ಎನ್ನುವ ಹಠ, ಇತ್ಯಾದಿ ಇದ್ರೆ, ಸಂಸಾರ ಸಾಗಬೇಕಿರೋ ಬಂಡಿಯಲ್ಲಿ, ಒಂದು ಎತ್ತು ಏರಿಗೆ ಅಂದ್ರೆ, ಇನ್ನೊಂದು ನೀರಿಗೆ ಅಂತ ಆಗುತ್ತೆ ಜೀವನ.

ಇದಿಷ್ಟು Love Marriage ಬಗ್ಗೆ blade ಹಾಕ್ದ. ಇನ್ನು Arranged Marriage ಬಗ್ಗೆ ಏನ್ ಹೇಳ್ತಾನೆ ಅಂತ ತಲೆ ಕೆಡಿಸ್ಕೋಬೇಡಿ. ಅದನ್ನು simple ಆಗಿ ಹೇಳಿ ಮುಗಿಸ್ಬಿಡ್ತೀನಿ.... ದಯವಿಟ್ಟು ಸ್ವಲ್ಪ ತಾಳ್ಮೆ ಉಳಿಸ್ಕೊಳ್ಳಿ...

ಹುಡ್ಗ/ಹುಡ್ಗಿ ತುಂಬಾ innocent , ಇವರಿಗೆ ಈ ಪ್ರೀತಿ-ಪ್ರೇಮ, ಆಸೆ-ಬಯಕೆ ಈ ತರಹದ ಯಾವುದೇ ಯೋಚನೆ/ಆಲೋಚನೆ ಇಲ್ಲ. ಮದ್ವೆ ವಯಸ್ಸಿಗೆ ಬರ್ತಿದ್ದಂಗೆ ಅಪ್ಪ-ಅಮ್ಮನ್ದಿರ್ಗೆ ಕೆಲಸ ಶುರು. "ನಮ್ ಹುಡ್ಗಿ ತುಂಬಾ ಒಳ್ಳೆವ್ಳು, ನಿಮ್ ಕಡೆ ಯಾವ್ದಾದ್ರು ಒಳ್ಳೆ ವರ ಇದ್ರೆ ಹೇಳಿ", "ನಮ್ ಹುಡ್ಗ ತುಂಬ ಒಳ್ಳೆವ್ನು, ಸಾಧು, ಒಳ್ಳೆ ಕಡೆ ಕೆಲಸ ಮಾಡ್ತಿದಾನೆ, ಕೈತುಂಬಾ ಸಂಬಳ, ನಿಮ್ ಕಡೆ ಒಂದು ಒಳ್ಳೆ ವಧು ಇದ್ರೆ ಹೇಳಿ". ಹೀಗೆ ಶುರು ಆಗುತ್ತೆ ನೋಡಿ ಹುಡುಕಾಟ/ಬೇಟೆ. ಪತ್ರ, ವಿಷ್ಯ, ಜಾತಕ, ಫೋಟೋ ಬೇರೆ ಅವಶ್ಯ ಮಾಹಿತಿಗಳು ಊರೆಲ್ಲಾ ಸುತ್ತಿ, ಕೊನೆಗೆ ಮಾತುಕತೆ ವರೆಗೂ ಬರುತ್ತೆ. "ಎತ್ತಣಿಂದೆತ್ತ ಸಂಬಂಧವಯ್ಯಾ???" ಎನ್ನುವ ಹಾಗೆ, ಎಲ್ಲೋ ಹುಟ್ಟಿ, ಎಲ್ಲೋ ಬೆಳೆದು, ಹೀಗೆ ಒಂದಾಗೋ ಸಂದರ್ಭ ಬರುತ್ತೆ. ಜಾತಕ ಎಲ್ಲಾ ಓಕೆ ಆಗಿ, ಹುಡ್ಗ ಹುಡ್ಗಿ ಒಪ್ಕೊಂಡು, ಜಾತಿ-ಕುಲ-ಗೋತ್ರ ಎಲ್ಲಾ ಸರಿ ಹೊಂದಿ, background verification  success ಆಗಿ... full settled  ಅಂತ ಅನ್ಕೊಳ್ಳಿ. ಮೊದ್ಲು engagement ಆಗುತ್ತೆ... engagement ಆಗಿ ಸ್ವಲ್ಪ ದಿನಕ್ಕೆ ಮದ್ವೆ, ಅಂತ ಮೊದ್ಲೇ ನಿರ್ಧಾರ ಮಾಡ್ಕೊಂದಿರ್ತಾರೆ. ಮದ್ವೆ ಲೈಫ್ ಅಲ್ಲಿ ಒಂದೇ ಸಲ (doubt) ಆಗೋದು ನೋಡಿ,  ಅದಕ್ಕೆ  ತುಂಬ grand ಆಗಿ ಮಾಡ್ಬೇಕು ಅಂತ ಅಪ್ಪ-ಅಮ್ಮನ್ದಿರ್ಗೆ ಆಸೆ. ಅದಕ್ಕೆ ತಕ್ಕ ಸಿದ್ಧತೆ ಆಗಬೇಕು ಅಲ್ವ, ಛತ್ರ, ಊಟ-ವ್ಯವಸ್ಥೆ, ವಾಲಗ, ಬಂಧು-ಬಳಗನ ಆಹ್ವಾನ ಮಾಡೋದು, ವಡವೆ-ವಸ್ತ್ರ ಖರೀದಿ, ಅಬ್ಬಾ!!! ಒಂದಾ-ಎರಡಾ... ಇದಕ್ಕೆಲ್ಲ ಸ್ವಲ್ಪ ಟೈಮ್ ಬೇಕು ತಾನೇ?? ಅದಕ್ಕೆ engagement ಆದ್ಮೇಲೆ ಸ್ವಲ್ಪ ಗ್ಯಾಪ್ :) .

ಅಪ್ಪ-ಅಮ್ಮ, ಬಂಧು-ಬಳಗ ಹಿರಿಯರು-ಕಿರಿಯರು, ಸಮಾಜದ ಗಣ್ಯ ವ್ಯಕ್ತಿಗಳು ಅಂತ ಅನ್ನಿಸ್ಕೊಂಡಿರೋರು ಈ ಎಲ್ಲರ ಸಮ್ಮುಖದಲ್ಲಿ ವಿಜೃಂಭಣೆ, ಸಂತಸ, ಉಲ್ಲಾಸ ಉತ್ಸಾಹಗಳಿಂದ, ಕೊನೆಗೂ ಮದ್ವೆ ಸಾಂಘವಾಗಿ ಮುಗಿಯುತ್ತೆ. ಮದ್ವೆ ಅದ್ಮೇಲೆ ಮತ್ತೆ ಅದೇ ಅಲ್ವಾ, ಒಟ್ಟಿಗೆ ಇರ್ಬೇಕು, ಒಂದೇ ಮನೆಯಲ್ಲಿ ಇರ್ಬೇಕು. ಒಬ್ಬರನ್ನೋಬ್ರು ನೋಡ್ಬೇಕು, ಅರ್ಥ ಮಾಡ್ಕೊಬೇಕು. ಗಂಡ ಹೆಂಡತಿಯರಲ್ಲಿ ಯಾರದ್ರು ಮಾತಿನ ಮಲ್ಲರಾಗಿದ್ರೆ engagement-marriage ಗ್ಯಾಪ್ ಅಲ್ಲಿ ಜಾಸ್ತಿ ಮಾತುಕತೆ ಆಗಿ, ಒಂದು ಮಟ್ಟಕ್ಕೆ ಅರ್ಥ ಮಾಡ್ಕೊಳೋಕೆ ಪ್ರಯತ್ನ ಮಾಡಿರ್ತಾರೆ, ಇಲ್ಲ ಅಂದ್ರೆ ಅದು ಕೂಡ ಹೊಸದಾಗಿ ಶುರು ಆಗಬೇಕು. ಈ ತರಹ ಸಂದರ್ಭ arranged marriage ಅಲ್ಲಿ ಕೂಡ ಇರ್ಬೇಕಿದ್ರೆ, ಇಲ್ಲಿಯೂ ಸಣ್ಣ ಜಗಳ, ವಾಗ್ವಾಗ ಬರೋದು ಸಹಜ ತಾನೇ?? 

ಮತ್ತದೇ ಪುನರಾವರ್ತನೆ...   ಜಗಳ ಶುರು ಆದ್ರೆ, ಹೇಗೆ ಯಾವ ಹಂತ ಮುಟ್ಟುತ್ತೆ ಎನ್ನುವುದು ಆ ಜೋಡಿಯ ಮನಃಸ್ಥಿತಿ, ಸಂದರ್ಭ, ಯೋಚನಾಶಕ್ತಿ ಇತರೆ ಮುಖ್ಯ ಅಂಶಗಳ ಮೇಲೆ ನಿಂತಿರುತ್ತೆ ಅಲ್ವಾ?  ಇಲ್ಲಿ ಕೂಡ "ಒಂದು ಎತ್ತು ಏರಿಗೆ, ಮತ್ತೊಂದು ನೀರಿಗೆ" ಅಂದ್ರೆ ಆಗೋದು ಅದೇ ರಾದ್ದಾಂತನೆ. ಆದ್ರೆ ಇಲ್ಲಿ ಅಪ್ಪ-ಅಮ್ಮ, ಹಿರಿಯರು, ಮದುವೆ ಸಮಾರಂಭದಲ್ಲಿ ಭಾಗವಹಿಸಿದ್ದ ಕೆಲವು ಹಿರೀಕರು ಮಧ್ಯೆ ಬಂದು ರಾಜಿ ಮಾಡುವ ಸಾಧ್ಯತೆ ಇರುತ್ತೆ, ಸಾಧ್ಯತೆ ಇರುತ್ತೆಯೇ ಹೊರತು, ಅದು ಸಾಧ್ಯ ಆಗೋದು ಆ ಜೋಡಿಯ ಸಮ್ಮತಿ ಸಿಕ್ಕಿದಮೆಲೇನೆ. ಗಂಡ-ಹೆಂಡತಿನೇ ರಾಜಿಗೆ ಸಿದ್ದ ಇಲ್ಲ ಅಂದ್ರೆ ಎಲ್ಲಾ ಮಾತುಕತೆ, ಯಾರೇ ಬಂದು ಮೂಗು ತೂರ್ಸಿದ್ರು ಅದು " ನೀರಲ್ಲಿ ಹೋಮ ಮಾಡಿದಂತೆ" ನೆ ಆಗೋದು. 

Arranged marriage ಆದ್ರುನೂ, ಇಲ್ಲಿ ಕೂಡ ನೂರಕ್ಕೆ ನೂರು ಎಲ್ಲಾ ಮುಕ್ತವಾಗಿದೆ, ಸರಿಯಾಗಿದೆ ಅಂತ ಹೇಳೋಹಾಗಿಲ್ಲ. ಇಲ್ಲಿಯೂ ಸಹ ಆಸ್ತಿ-ಅಂತಸ್ತು, ಅಂದ-ಚೆಂದ ಆಕರ್ಷಣೆ, ವರದಕ್ಷಿಣೆ ಹೀಗೆ ಬೇರೆ ಬೇರೆ ಕಾರಣಕ್ಕಾಗಿ ಮದ್ವೆ ಆಗಿರುವಂತ ಸಾಧ್ಯತೆ ಇದ್ದೇ ಇರುತ್ತೆ. ಇವೆಲ್ಲವುಗಳನ್ನ ಒಂದು side ಅಲ್ಲಿ ಇಡೋಣ ಅಂದ್ರೆ, ಎರಡೂ case ಅಲ್ಲಿ (arranged and love marriage), ಮದ್ವೆ ಅದ್ಮೇಲೆ ಬೇರೆ ಬೇರೆ ಬದಲಾವಣೆ ಆಗಬಹುದು. ಮದುವೆಯ ನಂತರದ ಸಂಬಂಧಗಳು, ಪರ ಪುರುಷ/ಸ್ತ್ರೀ ಸಂಬಂಧ, ಅನುಮಾನ, ಚಟಗಳು,  ಸಮಾಜ, ಒತ್ತಡ ಏನೆಲ್ಲಾ ಆಗಬಹುದು, ಸಧ್ಯಕ್ಕೆ ಊಹಿಸೋದು ತುಂಬಾ ಕಷ್ಟ. ನೀವು ಇದಕ್ಕೆ ಸಮ್ಮತಿಸ್ತೀರ ಅಂತ ನನ್ನ ಭಾವನೆ.

ಹೀಗೆ ಮದುವೆಯ ನಂತರದ ಜೀವನ/ಆಗು-ಹೋಗುಗಳ(ಭವಿಷ್ಯದ) ಬಗ್ಗೆ ಯಾರೇ ಅದ್ರು ಮೊದ್ಲು ಕಲ್ಪನೆ ಮಾಡ್ಕೊಬಹುದೇ ಹೊರತು, ಹೀಗೆ ಆಗುತ್ತೆ ಅಂತ ಖಚಿತವಾಗಿ ಹೇಳೋಕೆ ಸಾಧ್ಯ ಇಲ್ಲ ಅಲ್ವಾ? ಅದನ್ನ ಉಳಿಸಿಕೊಳ್ಳೋದು ಹಾಳು ಮಾಡ್ಕೊಳೋದು ಎಲ್ಲಾ ಆ ಗಂಡು-ಹೆಣ್ಣಿನ ಕೈಲಿ ಇರುತ್ತೆಯೇ ಹೊರತು ಮೂರನೇ ವ್ಯಕ್ತಿಯ ಕೈಯಲ್ಲಿ ಅಲ್ಲ. ಅದು ಅಪ್ಪ-ಅಮ್ಮ ಅದ್ರು ಆಗಿರಬಹುದು, ಬಂಧು-ಬಳಗ, ಗೆಳಯ-ಗೆಳತಿ ಯಾರೇ ಆಗಿರಬಹುದು, ಎಷ್ಟೇ ಪ್ರಯತ್ನಪಟ್ರು ಆ ಜೋಡಿಯ ನಿರ್ಧಾರದಲ್ಲಿ ಬದಲಾವಣೆ ಬರೋದು ಕಷ್ಟ ಸಾಧ್ಯ.  

ಒಂದು ಜೋಡಿ, ಗಂಡು-ಹೆಣ್ಣು, ಗಂಡ-ಹೆಂಡತಿ ಇವರ ಮದುವೆಯ ನಂತರದ ಜೀವನ ಇವರಿಬ್ಬರ ಆಸೆ ಆಕಾಂಕ್ಷೆ, ನೋವು ನಲಿವು, ಅಳಿವು-ಉಳಿವು, ಪ್ರೀತಿ-ಜಗಳ, ಇತ್ಯಾದಿಗಳೆಲ್ಲ, ಇವರ ಸ್ವಂತ ಅಸ್ತಿತ್ವ, ನಿರ್ಧಾರಗಳಿಗೆ ಬಿಟ್ಟಿದ್ದು ಆಗಿರ್ಬೇಕಿದ್ರೆ,

Love marriage - Arranged marriage  ಅಂತ ಬೇಧ-ಭಾವ ಮಾಡ್ಬೇಕಾ??

Love marriage - Arranged marriage ಅಂತ ಮನ:ಸ್ಥಾಪ, ರಾದ್ದಾಂತ ಬೇಕಾ?? 

Love marriage ಗೆ ಸಹಾಯ ಮಾಡೋಕೆ ಹೋಗಿ, ಎಷ್ಟೋ ಗೆಳೆಯರು ಹಿರಿಯರ ಜೊತೆಗಿನ ತಮ್ಮ ಅನುಬಂಧ ಕಳ್ಕೊಬೇಕಾ?

Love marriage ಗೆ ತಮ್ಮ ತಂದೆ-ತಾಯಿ ಒಪ್ಲಿಲ್ಲ ಅಂತ ಅತ್ಯಮೂಲ್ಯವಾದ ಬಾಳನ್ನ ಆತ್ಮಹತ್ಯೆಯ ಮೂಲಕ ಕೊನೆಮಾಡ್ಕೊಬೇಕಾ?

ತಾವು ಒಪ್ಪಿದ ಹುಡ್ಗ/ಹುಡ್ಗಿನೆ ಮದ್ವೆ ಆಗ್ಬೇಕು ಅಂತ ತಂದೆ-ತಾಯಿ ಒತ್ತಾಯ ಮಾಡೋದು ಸರಿನಾ?

ಸಮಾಜಕ್ಕೆ ಹೆದರಿ arranged marriage ಆಗಬೇಕು ಅಂತ ಹೇಳೋ ತಂದೆ-ತಾಯಿಗೆ, ತಮ್ಮ ಕಷ್ಟಕಾಲದಲ್ಲಿ ಈ ಸಮಾಜ/ಸಮಾಜದ ಜನ ಏನ್ ಮಾಡ್ತಾರೆ ಅಂತ ಗೊತ್ತಿಲ್ವಾ?

ಇನ್ನೂ ಪ್ರಶ್ನೆಗಳು ಸೇರ್ಕೊತಾ ಹೋಗ್ತವೆ... ಈಗಾಗ್ಲೇ ಜಾಸ್ತಿ ಆಗಿರೋದ್ರಿಂದ ಇಲ್ಲಿಗೆ stop ಮಾಡ್ತಿದ್ದೀನಿ.... 

ಕಟ್ಟ-ಕಡೆಯದಾಗಿ ನನ್ನ ಅಭಿಪ್ರಾಯ ಅನಿಸಿಕೆ ಹೇಳ್ಬೇಕು ಅಲ್ವ.. ಹೀಗೆ ನಮ್ಮ ಸುತ್ತಲಿನ ದಿನ ನಿತ್ಯದ ಜೀವನದಲ್ಲಿ ಇಂತಹ ಸಾವಿರಾರು ಘಟನೆಗಳನ್ನ ನೋಡ್ತೀವಿ, ನಾವು ಭಾಗಿ ಆಗಿದ್ದೀವಿ, ಕೆಲವು ಸಲ ಆಗಬೇಕಾಗಿ ಬರುತ್ತೆ.... ಹಾಗಾಗಿ... ಮದುವೆ ಅನ್ನೋದಕ್ಕೆ ಎಷ್ಟು ಪ್ರಾಧಾನ್ಯತೆ ಕೊಡಬೇಕೋ ಕೊಟ್ಟು, ಹೆಚ್ಚು ಸಮಯ ಬೇಡದ ವಿಷಯಗಳಲ್ಲಿ ವ್ಯರ್ಥ ಮಾಡದೇ, ಬೇಗ ಅದಕ್ಕೆ ಒಂದು ಒಳ್ಳೆ ರೂಪ ಕೊಟ್ರೆ ಒಳ್ಳೇದು. ಹೇಗಿದ್ರು ಮದುವೆಯ ನಂತರದ ಜೀವನಕ್ಕೆ, ಮದುವೆಯಾದ ಗಂಡು-ಹೆಣ್ಣು ಸಂಪೂರ್ಣ ಜವಾಬ್ದಾರಿ ಅಲ್ವೇ...?????? ;)  ಏನಂತೀರಾ?????   

ಯಾರು???? ಅಂದ್ರೆ ಬಾಲ್ಯ... :)

ನೀನು ಮತ್ತೆ ಬರ್ತೀನಿ ಅಂದ್ರೂ ಬಾ ಅನ್ನೋಕೆ ಆಗೋದಿಲ್ಲ, ಅನುಭವಿಸೋದಕ್ಕೂ ಆಗೋದಿಲ್ಲ, ನಿನ್ನೊಳಗೆ ನಾ ಒಂದಾಗಿ ಖುಷಿಯಾಗಿರೋದಕ್ಕೂ ಸಾಧ್ಯ ಇಲ್ಲ. ಯಾಕಂದ್ರೆ.. ಈಗಾಗ್ಲೇ ಸಮಯ ಬೇಜಾನ್ ಮುಂದೆ ಹೋಗ್ಬಿಟ್ಟಿದೆ. ನನ್ನ ತಾಳ್ಮೆ ಸಹನೆಗಳು ಮಟ್ಟ ಉತ್ತುಂಗಕ್ಕೇರಿದೆ...

ನನ್ನ-ನಿನ್ನೊಂದಿಗಿನ ಒಡನಾಟ ಈಗ ಮುಗಿದುಹೋದ ಕಥೆ...
ನಾನು ನಿನ್ನ ಮತ್ತೆ ಪಡಿಬೇಕು ಅಂದ್ರೆ, ನೀನು ಮತ್ತೆ ನನ್ನೊಂದಿಗೆ ಇರ್ಬೇಕು ಅಂದ್ರೆ, ಮುಂದಿನ ಜನ್ಮದವರೆಗೂ ಕಾಯ್ಲೆಬೇಕು...

-GC

ಹೊಸ ಪ್ರೀತಿ...

ಹಸಿಮನಸಿನ ಹೊಸ ಪ್ರೀತಿಯ,
ಹುಸಿಮಾತಲಿ ತುಸು ಹೇಳಲು,
ಪಿಸುಮಾತಲೆ ಮಸಿಗೊಳಿಸಿ,
ಕಸಪೊರಕೆಯ ಕೈಲ್‌ಹಿಡಿದು ರಸ ತೆಗೆದೆಯ ಬಾಲೆ...??